بۇگىن، 17 جەلتوقساندا الماتىدان استاناعا باعىت العان Air Astana اۋەكومپانياسىنىڭ ۇشاعى سالوندا ءتۇتىن شىعۋىنا بايلانىستى اپاتتىق سيگنال بەردى. بۇل تۋرالى كولىك مينيسترلىگى جازدى، دەپ حابارلايدى «ادىرنا» ءتىلشىسى.
«ساعات 07:38-دە الماتى – استانا باعىتى بويىنشا كس-851 تۇراقتى جولاۋشىلار رەيسىن ورىنداۋ بارىسىندا «Air Astana» پايدالانۋىنداعى Airbus A321N EI-KDG اۋە كەمەسىمەن اۆياتسيالىق وقيعا بولدى. «قازاەروناۆيگاتسيا» رمك اۋە قوزعالىسىن جوسپارلاۋدىڭ باس ورتالىعى ۇسىنعان اقپاراتقا سايكەس، اۋە كەمەسىنىڭ سالونىندا ءتۇتىن پايدا بولۋىنا بايلانىستى ەكيپاج MAY-DAY اپاتتىق سيگنالىن جاريالاعان»،- دەلىنگەن حابارلامادا.
الدىن الا مالىمەتتەر بويىنشا، جولاۋشىلار مەن ەكيپاج مۇشەلەرى اراسىندا زارداپ شەككەندەر جوق.
قونۋ ساعات 07:40-تا جۇزەگە اسىرىلعان. قاۋىپسىزدىكتى قامتاماسىز ەتۋ ماقساتىندا الماتى قالاسى اۋەجايىنىڭ ۇشۋ قاۋىپسىزدىگىن قامتاماسىز ەتۋگە ارنالعان ورتكە قارسى جانە اۆاريالىق-قۇتقارۋ قىزمەتى جۇمىلدىرىلعان.
قازىرگى ۋاقىتتا اتالعان اۆياتسيالىق وقيعانىڭ ءمان-جايلارىن كولىكتەگى وقيعالار مەن وقىس وقيعالاردى تەرگەپ-تەكسەرۋ دەپارتامەنتىنىڭ قىزمەتكەرلەرى ناقتىلاپ انىقتاۋدا.
