باتىس شاعىن اۋدانىنىڭ ينفراقۇرىلىم ماسەلەسى شەشىمىن تابۋدا

2774
Adyrna.kz Telegram

شىمكەنت قالاسىنىڭ ورتالىعىنان شالعايدا ورنالاسقان ەلدى مەكەندەردى دامىتۋ ماسەلەسى قالا اكىمى م.ايتەنوۆتىڭ باستى نازارىندا.

بۇگىندە شەتكى شاعىن اۋدانداردىڭ ينفراقۇرىلىم ماسەلەسى كەزەڭ-كەزەڭىمەن شەشىمىن تاۋىپ كەلەدى. سولاردىڭ ءبىرى - 10 مىڭعا جۋىق تۇرعىنى بار باتىس شاعىن اۋدانى.
قر تاۋەلسىزدىگىنىڭ 30 جىلدىعىنا وراي باتىس شاعىن اۋدانى تازا اۋىز جۇيەسىنە قوسىلادى. قالا باسشىسىنىڭ تىكەلەي باقىلاۋىنداعى بۇل ماسەلە، وسى جىلى وڭتايلى شەشىمىن تاۋىپ وتىر. شالعايداعى شاعىناۋدانعا اۋىز سۋمەن قوسا كوگىلدىر وتىنمەن جارىق جۇيەسىدە تارتىلۋدا.

مۇنداعى شاعىناۋدان حالقى بۇگىندە اۋلاداعى قۇدىق سۋىمەن جانە تاسىمالدى سۋدى پايدالانىپ وتىر. ساپالى اۋىز سۋمەن قامتاماسىز ەتۋ ماقساتىندا قۇرىلىس جۇمىستارى 2020 جىلدىڭ مامىر ايىندا باستالعان بولاتىن. ۇزىندىعى 151,47 شاقىرىمدى قۇرايتىن اۋىز سۋ قۇبىرىنىڭ بۇگىندە 80 پايىزى تارتىلعان.

مەردىگەر مەكەمە «مەليوراتور» جشس-ى تاراپىنان قارقىندى ءجۇرىپ جاتقان قۇرىلىس جۇمىستارى كۇز ايىنىڭ سوڭىندا اياقتالادى دەپ جوسپارلانۋدا. دەمەك، جىل سوڭىنا دەيىن باتىس شاعىن اۋدانىنداعى 9618 تۇرعىن ساپالى اۋىز سۋمەن قامتىلاتىن بولادى.

پىكىرلەر