Shymkent qalasynyń ortalyǵynan shalǵaıda ornalasqan eldi mekenderdi damytý máselesi qala ákimi M.Áıtenovtiń basty nazarynda.
Búginde shetki shaǵyn aýdandardyń ınfraqurylym máselesi kezeń-kezeńimen sheshimin taýyp keledi. Solardyń biri - 10 myńǵa jýyq turǵyny bar Batys shaǵyn aýdany.
QR Táýelsizdiginiń 30 jyldyǵyna oraı Batys shaǵyn aýdany taza aýyz júıesine qosylady. Qala basshysynyń tikeleı baqylaýyndaǵy bul másele, osy jyly ońtaıly sheshimin taýyp otyr. Shalǵaıdaǵy shaǵynaýdanǵa aýyz sýmen qosa kógildir otynmen jaryq júıeside tartylýda.
Mundaǵy shaǵynaýdan halqy búginde aýladaǵy qudyq sýymen jáne tasymaldy sýdy paıdalanyp otyr. Sapaly aýyz sýmen qamtamasyz etý maqsatynda qurylys jumystary 2020 jyldyń mamyr aıynda bastalǵan bolatyn. Uzyndyǵy 151,47 shaqyrymdy quraıtyn aýyz sý qubyrynyń búginde 80 paıyzy tartylǵan.
Merdiger mekeme «Melıorator» JShS-y tarapynan qarqyndy júrip jatqan qurylys jumystary kúz aıynyń sońynda aıaqtalady dep josparlanýda. Demek, jyl sońyna deıin Batys shaǵyn aýdanyndaǵy 9618 turǵyn sapaly aýyz sýmen qamtylatyn bolady.
