ۇكىمەت جىل سوڭىنا دەيىن ۆەتەريناريا جۇيەسىن رەفورمالاۋ جونىندە ناقتى شارالار قابىلداۋى كەرەك. بۇل تۋرالى مەملەكەت باسشىسى قاسىم-جومارت توقاەۆ قازاقستان حالقىنا ارنالعان جولداۋىندا ايتتى، دەپ حابارلايدى "ادىرنا" ۇلتتىق پورتالى
«ۆەتەريناريا سالاسىن دا جەتىلدىرۋ قاجەت. بۇل سالادا ورتالىق پەن وڭىرلەر اراسىندا مىندەتتەر مەن قۇزىرەتتەر ناقتى ءبولىنۋى كەرەك. مال باسىنىڭ اماندىعى جانە ونىمدىلىگى جەرگىلىكتى ۆەتەرينارلاردىڭ ءتيىمدى جۇمىسىنا بايلانىستى. بۇل تۇپتەپ كەلگەندە اۋىلداعى اعايىننىڭ ءال-اۋقاتىنا تىكەلەي اسەر ەتەدى. ۆەتەريناريا قىزمەتى قازىرگى زامان تالابىنا ساي بولماسا، اۋىل شارۋاشىلىعى ونىمدەرىنىڭ ەكسپورتىن ارتتىرۋ مۇمكىن ەمەس»، - دەپ مالىمدەدى مەملەكەت باسشىسى.
وسى ورايدا پرەزيدەنت بۇل سالادا جۇيەلى جۇمىس اتقارىلۋى ءتيىس ەكەنىن اتاپ ءوتتى.
اتاپ ايتقاندا، ۇدەرىستەردى تسيفرلاندىرۋ، مالىمەت جيناۋ ءارى ونى اۆتوماتتاندىرۋ، مامان دايارلاۋ جانە ولاردىڭ جالاقىسىن كوبەيتۋ شارالارىنا بايلانىستى ۇكىمەت جىل سوڭىنا دەيىن ۆەتەريناريا جۇيەسىن رەفورمالاۋ جونىندە ناقتى شارالار قابىلداۋ ءتيىس.
"ادىرنا" ۇلتتىق پورتالى
