بۇگىن 2021 جىلدىڭ 1 قىركۇيەگىندە قازاقستاندا جالپىۇلتتىق حالىق ساناعى باستالدى. تاۋەلسىزدىك العان ساتتەن باستاپ ەلىمىزدە حالىق ساناعى ءۇشىنشى رەت وتپەك، دەپ حابارلايدى "ادىرنا" ۇلتتىق پورتالى.
«شارا العاش رەت تسيفرلىق تەحنولوگيالاردى قولدانۋ ارقىلى وتپەك. 1 قىركۇيەكتەن 15 قازانعا دەيىنگى ارالىقتا sanaq.gov.kz سايتىندا ونلاين رەجيمدە حالىق ساناعىنان وتۋگە بولادى. سايت 24 ساعات بويى قول جەتىمدى»، – دەپ حابارلادى ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ.
ۇلتتىق ستاتيستيكا بيۋروسىنىڭ ءباسپاسوز قىزمەتىنىڭ مالىمەتىنە سۇيەنسەك، ونلاين رەجيمدە ساناقتان وتپەگەن ازاماتتاردى قامتۋ ءۇشىن 1-30 قازان ارالىعىندا قاجەتتى سانيتارلىق نورمالاردى ساقتاي وتىرىپ ينتەرۆيۋەرلەردىڭ ساۋالدارىنا جاۋاپ بەرۋ مۇمكىندىگى بولادى.
ينتەرۆيۋەرلەردىڭ ەلەكتروندىق پلانشەتتەردى پايدالانۋى ءداستۇرلى كەزەڭنىڭ باستى جاڭالىعى بولماق. ورتاشا ەسەپپەن ساناق ساۋالدارىنا جاۋاپ بەرۋگە 20-25 مينۋت قاجەت. ازاماتتاردىڭ بەلسەندىلىگى مەن شىنايى جاۋاپتارى حالىق تۋرالى ساپالى دەرەكتەردى الۋعا نەگىز بولادى.
ايتا كەتەيىك، ەلىمىزدە جالپىۇلتتىق حالىق ساناعى 2021 جىلدىڭ 1 قىركۇيەگى مەن 30 قازانى ارالىعىندا وتەدى. ساناق «قازاقستاندا اركىم ماڭىزدى! ۆ كازاحستانە كاجدىي ۆاجەن!» ۇرانى اياسىندا ۇيىمداستىرىلادى.
"ادىرنا" ۇلتتىق پورتالى