جاپوننىڭ تاعى ءبىر كەرەمەتى
جاپوندار 2014 جىلى، توكيادان نە ءبارى ءبىر ساعاتتاي جەردەگى فۋدزيساۆا قالاسىندا "بولاشاقتىڭ قالاسى" اتتى ۇلكەن ءھام امبيتسيوزدى جوبانى ىسكە قوسقان تۇعىن.
بۇل سۇمدىق جوبانىڭ جەلىسى بويىنشا سالىنعان قالا – قازىرگى قالالاردان اناعۇرلىم وزگەشە ءھام ەنەرگەتيكالىق، ەكولوگيالىق تۇرعىسىنان دا وتە-موتە ءتيىمدى ەكەنىن الەم عالىمدارى مەن كوپتەگەن مەملەكەت باسشىلارى مويىنداپ، جوبانى ۇسىنىپ ءھام ىسكە قوسىپ جاتقان Panasonic, Technics, National برەندتەرىنىڭ يەسى سانالاتىن Matsushita Electric كومپانياسىمەن قىرۋار قارجىعا كەلىسىم شارتتار جاسالىپ جاتقان كورىنەدى. ءدال قازىرگى ۋاقىتتا دامىعان مەملەكەتتەردىڭ كوبىندە وسى كومپانيانىڭ جەتەلەۋىمەن بولاشاق تالابىنا ساي ونداعان قالالار سالىنىپ جاتىر.
قىزىعى سول، بولاشاقتا الەمدى وزگەرتۋگە سەپ بولار بۇل جوبا — Panasonic فابريكاسىن جاڭا مەكەنگە اۋىستىرۋ دەگەن باسقا سيمايتىن، ەستىسەڭ قۇلاق سەنبەيتى كۇلكىلى سەبەپتەن تۋعان ەكەن. ويتكەنى، بۇل فابريكانى اۋىستىراتىن بولساق، سول فابريكانىڭ ەنەرگەتيكالىق، ەكولوگيالىق جانە جۇمىس كۇشى جانە جۇمىسشىلاردىڭ ءومىرىن ماكسيمالدى جاعىمدى ەتۋ دەگەن سۇرانىستارىنا تولىعىمەن جاۋاپ بەرەتىن ەلدى- مەكەنگە اۋىستىرايىق ناق ! - دەگەن ۇسىنىسقا لايىق جەر تاپپاعاسىن امالسىز - اكەسس، سول قالانى قولدان جاساي سالايىقشى، كەتتىك ءبارىن تاستا!- دەگەن شەشىمگە كەلىپ، نە بارى ەكى جىلدىڭ ىشىندە Tokyo Gas, Mitsui & Co كومپانيالارى ارقىلى وسى عالامات جوبانى ىسكە اسىرعان كورىنەدى.
بۇل كىشىگىرىم قالاشىقتاردىڭ باستى ەرەكشەلىكتەرى Panasonic كومپانياسىنىڭ PanaHome بولىمىندەگى ماماندار قۇراستىرىپ شىققان زاماناۋي ۇيلەر. اىلدى باسپانا. ياعني ءار ءۇي وزىنە كەرەك ەلەكتر ەنەرگيانى تولىعىمەن ءوزى قامتاماسىز ەتەدى. ءار ءۇيدىڭ جانىندا ەلەكتروكولىكتى قۋاتتاندىراتىن قۇرىلعىلار بار. ادام ومىرىنە قاجەتتى ىستىق سۋ، جىلۋ تب دۇنيەلەردىڭ ءبارى كۇن ەنەرگياسىمەن قۋاتتاندىرىلىپ، تولىعىمەن اۆتوماتتاندىرىلعان.
قىسقاسى وسى ۋاقىتقا دەيىن مىنا جوبانىڭ اياسىندا 2 دەن استام ميكرورايوندار جاسالىپ ۇلگەرگەن ەكەن.
ياپونيادا حالىقتىڭ جاعدايىن ۇكىمەت قانا ەمەس جۇمىس بەرۋشى كومپانيالاردا قاتتى ويلايدى قىسقاسى. ال بىزدە نە؟ بىزدە نەگە ءبارى كەرىسىنشە؟
ەرتەڭ قىزىعا دا قىزعانا وتىرىپ جاپونيانىڭ الەمدى تاڭ قالدىرىپ وتىرعان تاعى ءبىر جەتىستىگىن جازامىن.
بۋراحان داحانوۆ،
تاۋەلسىز بلوگگەر
