الەۋمەتتىك جەلىدە قوعام بەلسەندىسى جومارت اتاباي “دەپۋتاتتىق پەن مانداتقا” قاتىستى جازبا جاريالادى. اۆتور دەپۋتاتتىق ساۋالدىڭ سۇيىلىپ بارا جاتقانىنا توقتالىپ، ءوزىنىڭ وتكىر پىكىرىن جالپاق جۇرتقا جاريا ەتتى، دەپ “ادىرنا” ۇلتتىق پورتالى.
سان قيلى دەپۋتاتتىق ساۋالدى تالداعان بەلسەندى قوعامنىڭ شىن جاناشىر اتقامىنەرلەرگە مۇقتاج ەكەندىگىن ايتىپ، اقىلعا سىيمايتىن ساۋالداردى قويعانداردى سىنعا الادى.
- پارلامەنت سايلاۋى جاقىنداعاسىن ءبىزدىڭ ماۋباس-ۇيقىباس، سوپاقباس دەپۋتاتتارىمىز ويانىپ، سويلەي باستادى، اعايىن! بىرەۋى شىقتى كەنەسارىنىڭ باسىن قوزعاپ. ەكىنشىسى ايەلدەردىڭ زەينەت جاسىن قىسقارتۋ كەرەك دەپ سايراپ جاتىر. ەرتەڭ ءۇشىنشىسى شىعاتىن شىعار "قاربىز ەمەس داربىز" دەپ. سول باياعى بولمايتىن قىسىر اڭگىمەلەر. تۇك بىتىرمەيتىن دەپۋتاتتاردى (گەننادي شيپوۆسكيح پەن قازىبەك يسا ولاردىڭ قاتارىندا جوق) سايلاعان ءوزىمىز كىنالىمىز. الداعى سايلاۋدا دەنى دۇرىس دەپۋتاتتار سايلايىقشى، - دەپ جازدى اۆتور.
ەسكە سالا كەتەيىك، جاقىندا دەپۋتات باقىتبەك سماعۇل رەسەيدەن كەنەسارى حاننىڭ باسىن الدىرتۋ ماسەلەسىن مىنبەردە كوتەرگەن ەدى. دەپۋتاتتاردىڭ مۇنداي بەلسەندىلىگىن حالىقتىڭ باسىم بولىگى جاقىندا وتەتىن پارلامەنت سايلاۋىنا قاتىسى بار دەپ ساناپ وتىر.
“ادىرنا” ۇلتتىق پورتالى
