الماتىدا 61 جاستاعى تۇرعىندى ءولتىردى دەگەن كۇدىكپەن ءتورت ادام ۇستالدى. بۇل تۋرالى 12 قازاندا قالالىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
بۇعان دەيىن جەلىدە بىرنەشە ادامنىڭ باسىنا پاكەت كيگىزىلگەن ەر ادامدى پودەزدەن الىپ شىعىپ بارا جاتقان ءساتى تۇسىرىلگەن ۆيدەو تاراعان بولاتىن.
پوليتسيا ەر ادامنىڭ قايتىس بولعانىن راستادى.
«تەرگەۋ بارىسىندا قىلمىستىڭ ءمان-جايى، كۇدىكتىلەردىڭ جەكە باسى جانە ولاردىڭ مارقۇمنىڭ پاتەرىن زاڭسىز يەلەنۋگە قاتىسى بولۋى مۇمكىن ەكەنى انىقتالدى. تورتەۋى دە ۋاقىتشا ۇستاۋ يزولياتورىنا قامالدى. قاجەتتى جەدەل-تەرگەۋ شارالارى جۇرگىزىلىپ جاتىر»، – دەلىنگەن حابارلامادا.
سونداي-اق تەرگەۋ جۇمىستارىمەن ىشكى ىستەر مينيسترلىگىنىڭ ەڭ تاجىريبەلى قىزمەتكەرلەرىنەن ارنايى قۇرىلعان جەدەل-تەرگەۋ توبى اينالىسىپ جاتقانى اتاپ ءوتىلدى. ءىستىڭ تەرگەلۋ بارىسى ىشكى ىستەر ءمينيسترىنىڭ جەكە باقىلاۋىندا.
تەرگەۋ مۇددەسىنە بايلانىستى وزگە اقپارات جاريا ەتىلمەيدى.
