ساپارباەۆ: ەگەر سۋ ۇنەمدى جانە ءتيىمدى پايدالانىلسا، ەشقانداي پروبلەما بولمايدى

2607
Adyrna.kz Telegram

مەملەكەت باسشىسى بۇعان دەيىن مال ازىعىن ساتىپ الۋ جانە سۋارمالى جەرلەردى يگەرۋ بويىنشا ناقتى مىندەتتەر قويعان بولاتىن. جامبىل وبلىسىنىڭ اكىمى بەردىبەك ساپارباەۆ وتكەن جەكسەنبىدە جۇمىس ساپارىمەن بايزاق جانە جامبىل اۋداندارىندا بولدى، وندا مەملەكەت باسشىسىنىڭ تاپسىرمالارىنىڭ ورىندالۋ بارىسىمەن، اۋىل شارۋاشىلىعى داقىلدارىن سۋمەن قامتاماسىز ەتۋ شارالارىمەن جانە ەگىستىك القابىنىڭ جۇمىسىمەن تانىستى، دەپ حابارلايدى "ادىرنا" ۇلتتىق پورتالى.

جامبىل وبلىسى اكىمىنىڭ ءباسپاسوز قىزمەتىنىڭ حابارلاۋىنشا، ايماق باسشىسى ءبىرىنشى بولىپ تالاس گيدروەلەكتروستانتسياسىنا بارعان.

جالپى، وبلىس جەرۇستى سۋ رەسۋرستارىنىڭ شامامەن 80% -ىن ترانسشەكارالىق شۋ مەن تالاس ارقىلى الادى. بۇل جامبىلدىق شارۋالار جەردى سۋلاندىرۋ ماسەلەسىندە قىرعىز رەسپۋبليكاسىنا تاۋەلدى ەكەنىن بىلدىرەدى. ال مۇندا كيروۆ سۋ قويماسىنىڭ ءرولى وتە ماڭىزدى.

بەردىبەك ساپارباەۆتىڭ ايتۋىنشا، ەكى مەملەكەت اراسىنداعى ءوزارا كەلىسىم ناتيجەسىندە قازىرگى ۋاقىتتا قىرعىزستاننان سەكۋندىنا 18 تەكشە مەتر سۋ تۇراقتى تۇردە جەتكىزىلۋدە.

"وزدەرىڭىز بىلەتىندەي، بيىل جاۋىن -شاشىننىڭ از بولۋى فەرمەرلەردىڭ جۇمىسىنا كەرى اسەرىن تيگىزدى. دەگەنمەن، الاڭداۋعا نەگىز جوق. بىزدە قولدا بار رەسۋرستاردى ۇنەمدەپ، ىسىراپ ەتپەي، ءتيىمدى پايدالانساق، ۆەگەتاتسيالىق كەزەڭدى جوسپارلى تۇردە وتكىزۋگە بارلىق مۇمكىندىكتەر بار. بۇل رەتتە ماڭىزدىلىعىنا قاراي، رەتتەي وتىرىپ، ەگىس القاپتارىنا سۋدى كەزەكپەن بەرۋ قاجەت. قانت قىزىلشاسى ىلعالسىز قالماۋى كەرەك، ال جوڭىشقانىڭ ءۇشىنشى نەمەسە ءتورتىنشى كەسىمىن الۋىمىز كەرەك، بۇعان نازار اۋدارىڭىز", - دەدى وبلىس اكىمى.

"ادىرنا" ۇلتتىق پورتالى

پىكىرلەر