Jambyl oblysyndaǧy jarylystan aman qalǧan ört söndıruşı oqiǧanyŋ qalai bolǧanyn aityp berdı. Auruhanada em qabyldap jatqan Almaz Tūrsynovtyŋ sözınşe, äskeri qyzmetkerler oq-därıge toly qoimaǧa kelgen mamandardyŋ basşylaryna "qauıp joq" ekenın aitqan körınedı. Al, tötenşelıkter osy sözge senıp örttı söndıruge rūqsat bergen.
Sol uaqytta joiqyn jarylys tırkelıptı. Al, örtsöndıruşılerdı qūtqarudyŋ ornyna äskeriler ol sätte oqiǧa ornynan bas sauǧalap qaşyp ketken eken.
Qazır Almaz Tūrsynovpen bırge qauıptı aimaqqa barǧan mamandardyŋ barlyǧy köz jūmǧan. Bır ölımnen aman qalǧan jıgıttıŋ jarylystan ekı közıne zaqym kelıp, qol-aiaǧy synǧan.
Būl turaly «Euraziia» bırınşı arnasy habarlaidy.
ALMAZ TŪRSYNOV, ZARDAP ŞEKKEN ÖRT SÖNDIRUŞI:
"Sol jaqta jürgen ülken polkovnik kısıden sūradym: "Jarylady ma?" dep. Sosyn ol aitty "Öi, jarylmaidy, erunda ǧoi būl dep. Özı bıraq, otstupat etıp jatqanyn kördım, baiqadym. Voennyi formada jürdı ol kısı söittı da ol kısı ketıp qaldy. Bıraq, bız öşırıp jatqan kezde uje bastalyp jatqan, şet şetke oqtar ūşyp. Karaul bastyǧy aitty: "Jäi, jäi artqa bereiık, che to ne to mynau", - dedı. Abailaiyqşy jıgıtter, dep sezdı karaul bastyǧy".
Būǧan deiın Jambyl oblysy Baizaq audanyndaǧy küzetılmeitın qoimalardyŋ bırınen jarylmaǧan oq-därıler tabyldy degen aqparat taraǧan edı. Bıraq, keiınnen Qorǧanys ministrlıgı ol snariadtardyŋ barlyǧy gilzasy alynǧan, metallǧa ötkızılgen qauıpsız oq-därıler ekenın mälımdedı. Al, jarylys kezındegı ört söndıruşılerdıŋ nūsqasyna qatysty Nūrlan Ermekbaev basqaratyn vedomstvo mardymdy jauap bergen joq. Tek, äskeri bölımge jauaptylar qoimadaǧy injenerlık snariadtar jarylmauy tiıs edı dep qysqa qaiyrdy. Naqty sebebın arnaiy qūrylǧan komissiia anyqtaityn bolady.
RUSLAN JYLQYBAEV, ÄSKERİ BÖLIM KOMANDİRINIŊ ORYNBASARY:
"Örtengen qoimadaǧy injenerlık oq-därıler tehnikalyq sipattamalaryna qarai jarylmauy tiıs edı. Sondyqtan äskeri bölımnıŋ örtsöndıru toby örttı oqşaulau turaly şeşım qabyldaǧan. Sonymen qatar, oqiǧa ornyna jol patruldık qyzmetınıŋ örtsöndıru bölımderı jūmyldyryldy. Jarylystardyŋ sebepterın qūramynda bılıktı sarapşylary bar komissiia anyqtauy kerek".
Ūqsas jaŋalyqtar
