تالىپتەر ءوز باسشىسىنىڭ سۋرەتىن جاريالادى

2576
Adyrna.kz Telegram

تاليبان" قوزعالىسىنىڭ وكىلدەرى (قازاقستاندا تىيىم سالىنعان ۇيىم - ەسك.) اۋعانستاندا بيلىكتى قولىنا العاننان كەيىن العاش رەت جەتەكشىسى حايباتۋللا احۋندزادانىڭ سۋرەتىن جاريالادى، - دەپ حابارلايدى Sputnik افگانيستان Telegram-كانالى.

"بىرقاتار اقپارات كوزى "تاليبان" جەتەكشىسىن ءولدى دەپ ەسەپتەدى. بۇل - ول تۋرالى ۇزاق ۋاقىت اقپارات شىقپاعاننان بەرگى العاشقى سۋرەتى", - دەپ جازادى Telegram-كانال.

"تاليبان" كوشباسشىسىنىڭ سۋرەتىن العاش بولىپ Twitter-دە اۋعان ءجۋرناليسى مۋسليم شيرزاد جاريالادى. ول جەرگىلىكتى ساياسي شولۋشى نازار موحامماد موتماەنگە سىلتەمە جاسادى.

بىراق جەلى قولدانۋشىلار بۇل سۋرەت ەكى جىل بۇرىن تۇسىرىلگەنىن ايتىپ جاتىر.

29 تامىزدا باق احۋندزادا اۋعانستانعا كەلگەنىن حابارلاعان. امەريكالىق اسكەريلەر اۋعانستان اۋماعىندا بولعان كەزدە، مولدا پاكىستاندا جاسىرىنىپ جۇرگەن. قازىرگى ۋاقىتتا ول كانداگاردا جانە "تاليباننىڭ" باسقا باسشىلارىمەن كەزدەسۋلەر وتكىزىپ جاتقانى ايتىلادى.

تالىپتەر احۋندزادانى "اۋعانستان يسلام امىرلىگىنىڭ" جوعارعى باسشىسى دەپ اتايدى. بىراق اۋعانستاننىڭ جاڭا باسشىسى تاعايىندالعانى جانە بيلىك "تاليبانعا" اۋىسقانى تۋرالى ءالى رەسمي دەڭگەيدە حابارلانعان جوق.

پىكىرلەر