تاليبان راديكالدى قوزعالىسىنىڭ جاساقتارى كابۋلدى باسىپ العاننان كەيىن، باگلان پروۆينتسياسىندا اۋعانستاننىڭ بەلگىلى ءانشىسى فاۆادا ءاندارابيدى ءوز ۇيىندە ءولتىرىپ كەتتى.
فاۆادا ءاندارابيدىڭ ولىمىنە مۋزىكا جانە ءان سالۋ اسپاپتارىن قولدانۋ سەبەپ بولعان. تالىپتەر ەلدىڭ بيلىگىن باسىپ العاننان كەيىن مۋزىكا مەن ونەرگە تىيىم سالىنبايتىنىن ايتقان بولاتىن. بىراق ولار وزدەرىنىڭ بەرگەن ۋادەلەرىنەن تايىپ، وسىنداي قاتىگەز ارەكەتتەرگە بارىپ وتىر.
فاۆادا اندارابي اۋعان حالقىنىڭ ۇلتتىق فولكلورلارىن ورىنداپ كەتكەن، ۇلتى قۇندىلىقتارىن دارىپتەۋشى رەتىندە اۋعان حالقىنىڭ ماڭگى ەسىندە قالدى دەپ اۋعانستاننىڭ ىشكى ىستەر ءمينيسترى ماسۋد اندارابي ءوزىنىڭ تۆيتتەرىندە جازبا قالدىردى.
اۋعانستاننىڭ ىشكى ىستەر ءمينيسترى ماسۋد ءاندارابيدىڭ مالىمدەۋىنشە، تاليبان راديكالدى قوزعالىسىنىڭ جاساقتارى بەلگىلى ءانشى فاۆادا ءاندارابيدى بالگان پروۆينتسياسىندا قاتىگەزدىكپەن ولتىرگەن.
بەكبولات قارجان،
"ادىرنا" ۇلتتىق پورتالى
