اباي وبلىسىنداعى اۋىل مۇعالىمى ەرقانات سادۋاحانوۆ تانىمال شەتەلدىك ءانشى نيكي ميناجدىڭ ساۋند-پروديۋسەرى اتاندى، دەپ حابارلايدى "ادىرنا" ۇلتتىق پورتالى.
ەرقانات سادۋاحانوۆ – اباي اتىنداعى ارنايى مەكتەپ-گيمنازيا-ينتەرناتتىڭ بيولوگيا ءپانىنىڭ مۇعالىمى. ول مۋزىكا الەمىندە Eraholic دەگەن لاقاپ اتپەن تانىمال. جاس پەداگوگ ءوزىنىڭ الەۋمەتتىك جەلىسىندە نيكي ميناجدىڭ Pink Friday 2 البومىنىڭ دەليۋكس-نۇسقاسىنىڭ ساۋند-پروديۋسەرى بولعانىن رەسمي تۇردە حابارلادى.
ول بۇرىن دا Dua Lipa, Rosalia جانە Blackpink توبىنىڭ مۇشەسى ليسا سياقتى الەمدىك جۇلدىزدارمەن ىنتىماقتاستىقتا جۇمىس ىستەگەن. ەندى نيكي ميناجدىڭ تىڭدارماندارىنا ەرەكشە جاڭالىقتار ۇسىنۋعا دايىن ەكەنىن مالىمدەدى.
البومدى 2024 جىلدىڭ 13 جەلتوقسانىندا شىعارۋ جوسپارلانعان. كەڭەيتىلگەن شىعارىلىم 2023 جىلعى تۇپنۇسقا البومىنىڭ مەرەيتويىنا ارنالىپ، تىڭدارماندارعا جاڭا كومپوزيتسيالار ۇسىناتىن بولادى. ەرقانات سادۋاحانوۆ حالىقارالىق جوبالاردا ءوز شىعارماشىلىق قابىلەتتەرىن كورسەتىپ، پەداگوگيكالىق قىزمەتىمەن سۇيىكتى ءىسىن تابىستى ۇيلەستىرۋدە.
نيكي ميناج – الەمدەگى ەڭ تابىستى رەپ ورىنداۋشىلاردىڭ ءبىرى. ول كوپتەگەن ماراپاتتاردىڭ يەگەرى، ونىڭ ىشىندە ASCAP سىيلىعىنىڭ ەڭ ۇزدىك حيپ-حوپ ورىنداۋشىسى رەتىندە جەڭىسى بار. جاقىندا ول ەمينەمدى وزىپ، ەڭ كوپ قارالعان رەپەر اتاندى.
