تالىپتەردىڭ “وماري” كورپۋسىنىڭ قولباسشىسىنىڭ ورىنباسارى موللا دجان موحامماد حامزا ءبىر اپتادان كەيىن تاجىكستاندى تالىپتەر باسىپ الۋى مۇمكىن ەكەنىن ايتتى، دەپ حابارلايدى “ادىرنا” ۇلتتىق پورتالى.
“تالىپتەر كورپۋسى قولباسشىسىنىڭ ورىنباسارى دۋشانبەگە تاجىكستان اۋعانستاننىڭ ىشكى ىستەرىنە ارالاسۋىن توقتاتپاسا، ال رەسەي تاجىكستاننىڭ ارتىندا تۇرماسا، تالىپتەر بۇل ەلدى ءبىر اپتانىڭ ىشىندە باسىپ الاتىنىن ەسكەرتتى»، - دەپ جازادى باسىلىم.
بۇل مالىمدەمەنى مينيسترلەردىڭ ءبىرىنىڭ قاتىسۋىمەن يان موحامماد حامزا جاسادى دەگەن بولجام بار. قازىر «Hasht Subh» باسىلىمىندا جاريالانعان اقپاراتتىڭ قانشالىقتى راس ەكەنى بەلگىسىز.
بۇعان دەيىن Sputnik تاجىكستان اگەنتتىگى تاجىكستان پرەزيدەنتى ەمومالي راحموننىڭ لاڭكەستىك توپ ەلدى باسقارۋعا قابىلەتسىز دەگەن پىكىرىن ايتقانىن حابارلادى.
«وتكەن ۋاقىتتا تالىپتەر الەمدىك قوعامداستىقتى جانە اۋعانستان حالقىن ءوز بيلىگىنىڭ زاڭدىلىعىنا، ەلدەگى جاعدايدى باقىلاۋعا، ازاماتتاردىڭ قاۋىپسىزدىگىن قامتاماسىز ەتۋگە جانە قالىپتاسىپ كەلە جاتقان الەۋمەتتىك ماسەلەلەر مەن ەكونوميكالىق ماسەلەلەردى شەشۋگە قابىلەتتىلىگىنە سەندىرۋ ءۇشىن ناقتى قادامدار جاساعان جوق.»، - دەدى تاجىكستان پرەزيدەنتى.
”ادىرنا” ۇلتتىق پورتالى
