جاڭا جىل قارساڭىندا بەيجىڭ شەت تىلدەر ۋنيۆەرسيتەتىنىڭ مادەنيەت زالىن كۇمبىرلەگەن دومبىرا ءۇنى تەربەتتى. شاراعا قوس ىشەكتى اسپاپتى شەرتە الاتىن كەز كەلگەن ستۋدەنتكە قاتىسۋعا مۇمكىندىك بەرىلدى. تالاپ بويىنشا، ونەرپازدار الدىمەن كۇيدىڭ شىعۋ تاريحىن بايانداپ، سودان كەيىن شىعارمانى ورىندادى.
«بۇل كوركەم ادەبي ءسوز ساپتاۋعا سەپتىگىن تيگىزەدى»، – دەيدى ۇيىمداستىرۋشىلار.
سونىمەن قاتار جاستار اراسىندا ونەرلى ءتۇرلى مۋزىكالىق اسپاپتاردى شەرتەتىن تالانتتار كوپ.
«ماقسات سول دارىن يەلەرىن ساحناعا شىعارىپ، ۇلتتىق ءداستۇرىمىزدى دارىپتەگىمىز كەلدى»، – دەيدى شارانى وتكىزگەن بەيجىڭ قازاق جاستارى بىرلەستىگى.
مەرەكەلىك شاراعا قوناق رەتىندە قىتايلىق مۋزىكا اسپابىندا وينايتىن ونەرپازدار دا قاتىستى.
ايبەك كوركەمۇلى، بەيجىڭ پوچتا جانە تەلەكوممۋنيكاتسيا ۋنيۆەرسيتەتىنىڭ ستۋدەنتى:
كۇمبىرلەگەن دومبىرانىڭ قوڭىر كۇيىمەنەن 2018-ءدىڭ قاقپاسىن اشىپ، ءتىپتى دە ءبىر تاماشا وزىمىزگە تيەسىلى ءبىر جىلدى قارسى الۋ ءۇشىن وسىنداي شارا ورنالاستىردىق. كۇي شەرتە الاتىن كۇيشىلەرگە وسىنداي ساحنا جاراتىپ بەرىپ، سولاردى ساحناعا باۋلۋ، ءتىپتى دە جوعارى دەڭگەيگە كوتەرۋ ءۇشىن وسىنداي شاعىن قيمىلمەن قامداپ وتىرمىز، – دەدى ول.
