Jańa jyl qarsańynda Beıjiń shet tilder ýnıversıtetiniń mádenıet zalyn kúmbirlegen dombyra úni terbetti. Sharaǵa qos ishekti aspapty sherte alatyn kez kelgen stýdentke qatysýǵa múmkindik berildi. Talap boıynsha, ónerpazdar aldymen kúıdiń shyǵý tarıhyn baıandap, sodan keıin shyǵarmany oryndady.
«Bul kórkem ádebı sóz saptaýǵa septigin tıgizedi», – deıdi uıymdastyrýshylar.
Sonymen qatar jastar arasynda ónerli túrli mýzykalyq aspaptardy shertetin talanttar kóp.
«Maqsat sol daryn ıelerin sahnaǵa shyǵaryp, ulttyq dástúrimizdi dáriptegimiz keldi», – deıdi sharany ótkizgen Beıjiń qazaq jastary birlestigi.
Merekelik sharaǵa qonaq retinde qytaılyq mýzyka aspabynda oınaıtyn ónerpazdar da qatysty.
Aıbek Kórkemuly, Beıjiń pochta jáne telekommýnıkaııa ýnıversıtetiniń stýdenti:
Kúmbirlegen dombyranyń qońyr kúıimenen 2018-diń qaqpasyn ashyp, tipti de bir tamasha ózimizge tıesili bir jyldy qarsy alý úshin osyndaı shara ornalastyrdyq. Kúı sherte alatyn kúıshilerge osyndaı sahna jaratyp berip, solardy sahnaǵa baýlý, tipti de joǵary deńgeıge kóterý úshin osyndaı shaǵyn qımylmen qamdap otyrmyz, – dedi ol.
