جاستار – ەل بولاشاعى. بۇگىندە ەلوردامىز نۇر-سۇلتان قالاسىندا مەملەكەتتىك جاستار ساياساتىن ىسكە اسىرۋ قانداي دەڭگەيدە ءجۇرىپ جاتىر؟ وسى جانە وزگە دە سۇراقتارعا جاۋاپ الۋ ءۇشىن «نۇر-سۇلتان قالاسىنىڭ جاستار ساياساتى ماسەلەلەرى باسقارماسى» مم-ءنىڭ باسشىسى قايرات قامباروۆپەن تىلدەستىك.
– جاستار ساياساتى ماسەلەلەرى بويىنشا مەملەكەتتىك باسقارۋ جۇيەسىنىڭ ىسكە اسىرىلۋىنا قانشالىقتى جاعداي جاساپ جاتىرسىزدار؟
– بۇل جوسپاردى جۇزەگە اسىرۋ ماقساتىندا نۇر-سۇلتان قالاسى اكىمدىگىنىڭ «استانا جاستارى» كمم 2021 جىلى كوپتەگەن ءىس-شارانى وتكىزدى. ولارعا جەكە-جەكە توقتالىپ وتكەنىم ءجون بولار.
1) ەلوردالىق جاستاردى تاربيەلەۋ ماقساتىندا ولاردىڭ الەۋمەتتىك، ينتەللەكتۋالدىق، پسيحولوگيالىق جانە جەكە دامۋىنا باعىتتالعان «Nur- Sultan Debate Cup 2021» جوباسى باستاۋ الدى. جوبا اياسىندا اشىق الاڭ ۇيىمداستىرىلدى، وندا ناقتى قۇرىلىمدالعان جانە ارنايى ۇيىمداستىرىلعان ەكى جاق اراسىندا تومەندەگى تاقىرىپتار بويىنشا پىكىر الماسۋ جۇزەگە استى.
«Nur- Sultan Debate Cup 2021» تاقىرىپتارى:
- جامبىل جاباەۆتىڭ تۋعانىنا 175 جىل;
- قازاقستان رەسپۋبليكاسىنىڭ تاۋەلسىزدىگىنە 30 جىل;
- ولجاس سۇلەيمەنوۆتىڭ 85 جىلدىعى;
- كوروناۆيرۋس: ناسيحاتتاۋ ما، الدە ءححى عاسىردىڭ وباسى ما؟ ;
- ءبىزدىڭ زامانىمىزدىڭ بلوگەرلەرى;
- ءبىزدىڭ ۋاقىتتاعى الەۋمەتتىك جەلىلەر;
- قازاقستاننىڭ شىعارماشىل جاستارى;
- ەلەكتروموبيلدەر.
پىكىرسايىس ويىندارى 2021 جىلدىڭ مامىرىنان قاراشاسىنا دەيىن، اي سايىن وتكىزىلەدى. تۋرنير مەن ونلاين كەزدەسۋلەر جانە دە قاشىقتىقتان وقىتۋ ZOOM پلاتفورماسىندا وتكىزىلدى. تۋرنير اي سايىن 6 كەزەڭنەن تۇرادى، ءار كەزەڭ وزدىگىنەن اياقتالعان ءىس-شارا بولىپ تابىلادى. ءار كەزەڭگە كەم دەگەندە 50 قاتىسۋشى قاتىسادى. جوبا اياسىندا ەلوردانىڭ 16 جوعارى وقۋ ورنى مەن 35 ورتا ارناۋلى وقۋ ورىندارىنان 600 -دەن استام قاتىسۋشىلار قامتىلادى.
2) 2020 جىلدان بەرى نۇر-سۇلتان قالاسى اكىمدىگىنىڭ «استانا جاستارى» كمم «ەسىرتكىگە جول جوق!» جوباسىن جۇزەگە اسىرۋدا. جوبا ماقساتى - جاستار اراسىندا ەسىرتكى جانە پسيحوبەلسەندى زاتتاردى تەرىس پايدالانۋدىڭ الدىن الۋ، سالاۋاتتى ءومىر سالتىن ناسيحاتتاۋ.
2021 جىلدىڭ 28 مامىر كۇنى «كەرۋەن» ساۋدا-ويىن-ساۋىق ورتالىعىندا 3000-نان استام ادامدى قامتىعان «دەيىن جانە كەيىن» فورماتىنداعى فوتوكورمە ۇيىمداستىرىلدى.
3) «TazaAlem 2021» جالپى ەكولوگيالىق سەنبىلىك جوباسى اياسىندا مۇقتاج ادامدارعا، زەينەتكەرلەرگە، ارداگەرلەرگە جانە تىل ەڭبەككەرلەرىنە كومەكتەسۋ. جوبا اياسىندا 63 قىسقى جانە كوكتەمگى سەنبىلىكتەر (قاردى تازالاۋ، ۇساق تاستاردى شاشۋ) جۇزەگە اسىرىلدى. جازعى ماۋسىمدا ەكو-سەنبىلىكتەر، پلوگگينگتەر مەن تيمبيلدينگتەر وتكىزۋ، سونداي-اق تۇرعىن ءۇي الاپتارىنىڭ جانىندا اعاشتار وتىرعىزۋ جۇمىستارى بەلسەندى باستالدى. اعىمداعى جىلدىڭ سوڭىنا دەيىن ەلوردانىڭ 1500-دەن استام ستۋدەنتتەرى مەن جاستارىن قامتي وتىرىپ، جازعى جانە قىسقى ماۋسىمداردا 50-گە جۋىق ەكو-ءىس-شارا وتكىزۋ جوسپارلانۋدا.
4) 2015 جىلدان باستاپ تۇرعىلىقتى جەرى بويىنشا بالالار مەن جاسوسپىرىمدەردىڭ بوس ۋاقىتىن ءتيىمدى پايدالانۋعا باعىتتالعان «اۋلا كلۋبتارى» الەۋمەتتىك جوباسى تۇراقتى تۇردە جۇزەگە اسىرىلۋدا.
بۇگىنگى تاڭدا 28 اۋلا كلۋبى جۇمىس ىستەيدى، ولاردىڭ نەگىزگى قىزمەتى نۇر-سۇلتان قالاسىنىڭ بالالارىنىڭ، جاسوسپىرىمدەرىنىڭ جانە جاستارىنىڭ بوس ۋاقىتىن قامتاماسىز ەتۋگە باعىتتالعان. اۋلا كلۋبتارىنىڭ ۇيىرمەلەرى مەن سەكتسيالارىنا بارۋ تەگىن نەگىزدە جۇرگىزىلەدى. بۇگىنگى تاڭدا اۋلا كلۋبتارىندا حالىقتىڭ الەۋمەتتىك وسال توپتارىنان 3000-نان استام بالا ءبىلىم الۋدا جانە جاتتىعۋدا.
بيىل جەتى اۋلا كلۋبى اشىلدى:
- «Baby Town»;
- «Tahtay»;
- «سامعاۋ»;
- «دينامو»;
- «قول ونەر»;
- «ۇركەر» ;
- «سايران».
– جاستاردى جۇمىسپەن قامتۋ ماسەلەسى قالاي شەشىلۋدە؟ ءوڭىر جاستارىنىڭ قانشا پايىزى جۇمىسسىز؟
– جاستاردىڭ جۇمىسسىزدىق دەڭگەيىن تومەندەتۋ، جۇمىسقا ورنالاسۋعا جاردەمدەسۋ جانە كاسىپتىك باعدار بەرۋ ماقساتىندا جاستارعا ارنالعان «TIME TO CHANGE» «جاستاردىڭ كاسىبي جانە جەكە داعدىلارىن دامىتۋ مەكتەبى» جوباسى اياسىندا ونلاين/وففلاين ترەنينگتەر وتكىزىلەدى. 2021 جىلدىڭ ءساۋىر ايىنان بەرى 700 ادام قاتىستى. ءار ترەنينگ اياقتالعاننان كەيىن سەرتيفيكاتتار بەرىلەدى.
2021 جىلعى 26 اقپان جانە 15 ناۋرىز «نۇر-سۇلتان قالاسىنىڭ جاستار ساياساتى ماسەلەلەرى باسقارماسى» مم جانە نۇر-سۇلتان قالاسى اكىمدىگىنىڭ «استانا جاستارى» كمم بىرلەسىپ: «نۇرسۇلتان نازارباەۆ حالىقارالىق اۋەجايى» اق، «تسەسنا-استىق» كونتسەرنى» جشس، «مەديكەر استانا» جشس، «SaNa-K-education» ءبىلىم بەرۋ ورتالىعى، «سامرۇق-قازىنا» اق «Samruk Qyzmet» بىرىڭعاي رەكرۋتينگ ونلاين پلاتفورماسى، «سكيف ترەيد» جشس، «استانا ورمانى» جشس، «نۇربانك» اق، «قازپوشتا» اق اف «استانا پوچتامتى»، «Magnum Cash & Carry» جشس، «قارجى ورتالىعى» اق سياقتى ۇيىمدارىمەن جۇمىسقا ورنالاستىرۋ سالاسىندا بىرقاتار مەموراندۋمدارعا قول قويدى.
مەموراندۋمدارعا قول قويۋدىڭ نەگىزگى ماقساتتارى: جۇمىسقا ورنالاستىرۋ سالاسىندا ارىپتەستىك قاتىناستار ورناتۋ، تاجىريبە الماسۋ، 18-29 جاس ارالىعىنداعى جاستاردى جۇمىسقا ورنالاستىرۋ جانە قولداۋ.
ۇيىمدارمەن مەموراندۋمدارعا قول قويىلعاننان كەيىن جۇمىس بەرۋشىلەر جاستار اراسىنان جۇمىسقا ورنالاسۋ، پراكتيكادان ءوتۋ نەمەسە تاجىريبەدەن ءوتۋ مۇمكىندىگىن قاراستىرۋعا نيەتتەنەدى.
نۇر - سۇلتان قالاسى اكىمدىگىنىڭ «استانا جاستارى» كمم ءار توقسان سايىن ءبىلىم بەرۋ ۇيىمدارىنىڭ تۇلەكتەرى، سونىمەن قاتار جۇمىس ىزدەيتىن جاستار ءۇشىن بوس ورىندار جارمەڭكەلەرىن وتكىزەدى. جارمەڭكەنىڭ ءمانى: ۇمىتكەرلەر ءۇشىن - لايىقتى جۇمىس ورنىن تابۋ مۇمكىندىگى، ۇيىم وكىلدەرى ءۇشىن - بىلىكتى مامانداردى تاڭداۋ مۇمكىندىگى.
اپتا سايىن @job_astana_jastary الەۋمەتتىك جەلىcىندە 30-دان استام وزەكتى بوس جۇمىس ورىندارى جاريالانادى، ولاردىڭ ىشىندە سۇرانىسقا يە: قىزمەت كورسەتۋ سالاسى، ساتۋشى-كەڭەسشىلەر، اسپازدار، بۋحگالتەرلەر جانە ت.ب. تۇيىندەمەلەر ەلەكتروندىق پوشتا ارقىلى قابىلدانادى: @job.astana.kz@mail.ru
– قازىر ەلىمىزدە ەرىكتىلەرگە ەرەكشە كوڭىل ءبولىنىپ جاتىر. جالپى ەرىكتىلەردىڭ ەڭبەگى قاي سالالاردا سۇرانىسقا يە؟
– قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «قايىرىمدى ىستەر مارافونى» جالپىۇلتتىق جوباسى اياسىندا «استانا جاستارى» جرو بازاسىندا قالالىق ۆولونتەرلەر شتابى ءوز قىزمەتىن جالعاستىرۋدا. شتابتىڭ قىزمەتى ءۇشىن ۆولونتەرلىك ۇيىمدار، ءىس-شارالارعا قاتىسۋ ءۇشىن بەلسەندى الەۋمەتتىك قىزمەتى بار ازاماتتار ىنتىماقتاستىققا شاقىرىلادى. قاڭتار-ءساۋىر ايلارىندا 250-دەن استام اكتسيا وتكىزىلدى. 60 جەكە اۋماقتا جالعىزىلىكتى تىل ارداگەرلەرى مەن زەينەتكەرلەرگە قار تازالاۋ تۇرىندە كومەك كورسەتىلدى، قالانىڭ 20 ۆولونتەرلىك ۇيىمدارى مەن كاسىپورىندارىنىڭ قاتىسۋىمەن 4 000-نان استام ازىق-تۇلىك سەبەتى جەتكىزىلدى، ۆولونتەرلەردىڭ بىرلەسكەن كۇش-جىگەرىمەن الەۋمەتتىك وسال ادامدار ءۇشىن زاتتار جيناۋ بويىنشا اكتسيالار، جوعالعان ادامداردى ىزدەۋ بويىنشا اكتسيالار وتكىزىلۋدە.
جىل سوڭىنا دەيىن 300 بەلسەندى ۆولونتەرلاردى وقىتۋ جوسپارلانۋدا «ۆولونتەرلار مەكتەبى» جوباسى اياسىندا «ۆولونتەرلار مەكتەبى» جوباسى 2015 جىلى قۇرىلدى. وسى جوبانى ىسكە اسىرۋ بارىسىندا 1 300-دەن استام ادام ءبىلىم الدى. جوبا بارىسىندا ۆولونتەرلار «EXPO 2017» حالىقارالىق مامانداندىرىلعان كورمەسى، «Cities Mayors Forum Global Silk Road»، «World Para Powerlifting Championships Nur-Sultan-2019»، ترياتلوننان الەم كۋبوگى «ITU World Cup» جانە «IV KWU Kyokushin World Championship» جانە باسقا دا حالىقارالىق جانە قالالىق ءىس-شارالاردا ءىس جۇزىندە قولدانعان كاسىبي ءبىلىم الدى.
ۆولونتەرلاردىڭ ەلەكتروندىق بازاسى جۇرگىزىلۋدە، وندا 3 000-نان استام ادام تىركەلگەن، ولاردىڭ 500-ءى قالا اۋماعىندا بەلسەندى ۆولونتەرلار بولىپ تابىلادى.
سونداي-اق، مەكتەپ جاستارىن الەۋمەتتىك بەلسەندىلىككە بەلسەندى تارتۋ جانە كورپوراتيۆتىك جانە ەكو ۆولونتەرلىك باعىتىن كۇشەيتۋ جوسپارلانۋدا. ۆولونتەرلىك باستاماشىل توپتارعا ءتۇرلى باعىتتار بويىنشا ۆولونتەرلىك قوزعالىستار سانىن ارتتىرۋ ءۇشىن قۇقىقتىق جانە رەسۋرستىق كومەك كورسەتۋ.
ەگەر ۆولونتەرلىك قىزمەت كومەك كورسەتۋ كەزىندە جەكە ءوزى قاتىساتىن ۆولونتەر تۇلعاسىندا وتەۋسىز نەگىزدە كومەك كورسەتۋدى كوزدەيتىن بولسا، وندا قايىرىمدىلىق قىزمەتى مەتسەناتتىڭ قاتىسۋىنسىز ءوتۋى مۇمكىن. سوندىقتان ادامدار قايىرىمدىلىق پەن ۆولونتەرلىك اراسىنداعى ايىرماشىلىقتى ءجيى ايتا المايدى. قايىرىمدىلىق وتە تەز دامىپ كەلەدى، بىراق ۆولونتەرلىك قىزمەتىدە ارتتا قالمايدى. نۇر-سۇلتان قالاسىندا ۆولونتەرلىك قىزمەت 14 جاستان باستاپ جاستار اراسىندا تانىمال. نەگىزىنەن ۆولونتەرلەر Event باعىتتارىنا، ەكولوگيالىق اكتسيالارعا، الەۋمەتتىك ءىس-شارالارعا، ادامداردى ىزدەۋگە تارتىلادى. تج ۆولونتەرلىك، ونلاين ۆولونتەرلىك، اۆتوۆولونتەرلىك، جانۋارلاردى قورعاۋ سياقتى باعىتتار دامۋ ساتىسىندا.
– جاۋاپتارىڭىزعا راقمەت!
«ادىرنا» ۇلتتىق پورتالى
