اقش-تىڭ بارلاۋ قىزمەتى مەن اسكەري ەكسپەرتتەرى بۇگىن 23-24 ساعاتتىڭ ىشىندە بايدەنگە كابۋلدە تەراكت بولۋى مۇمكىن دەگەن حابار جەتكىزدى. بۇل حابار جايىندا اقش پرەزيدەنتى دجو بايدەن مالىمدەمە جاسادى.
«اۋعانستان استاناسى كابۋلدە تاليبان راديكالدى قوزعالىسىنىڭ تاراپىنان ۇلكەن تەراكت كۇتىلۋدە. بۇل جولعى قاۋىپتىڭ اۋقىمى دا جوعارى. اقش-تىڭ ۇلتتىق بارلاۋ قىزمەتى بىزگە وسىنداي اقپاراتتاردى جەدەل جەتكىزىپ وتىر»،-دەپ حابار تاراتتى اق ءۇيدىڭ اقپارات قىزمەتى.
اقش-تىڭ بارلاۋ قىزمەتىنىڭ بولجاۋىنشا، الداعى ۋاقىتتا بولاتىن تەرروريستتىك ارەكەتتەر «يسلام مەملەكەتى – ۋاليات حوراساننىڭ» تاراپىنان ىسكە اسۋى مۇمكىن. بۇل ۇيىمنىڭ تاراپىنان بولعان تەراكتىلەردەن وسى ۋاقىتقا دەيىن كابۋلدىڭ وزىندە 13 امەريكالىق اسكەر قازا تاپقان. دجو بايدەن قازا بولعان امەريكالىق اسكەريلەردى دە اتاپ ءوتتى.
ءدال قازىر اقش-تىڭ كابۋلدىڭ ۇستىنەن ۇشىپ جۇرگەن بارلاۋشى دروندارى كابۋلدى باقىلاۋعا الىپ، تەرروريستتىك توپتاردىڭ ارەكەتىن اڭدىپ، حابارلار جىبەرىپ وتىر. بۇل اقش-تىڭ اۋعانستانداعى ەڭ سوڭعى بارلاۋ ارەكەتى ەمەس دەپ اتاپ كەتتى اقش پرەزيدەنتى.
بەكبولات قارجان،
«ادىرنا» ۇلتتىق پورتالى
