AQSh-tyń barlaý qyzmeti men áskerı ekspertteri búgin 23-24 saǵattyń ishinde Baıdenge Kabýlde terakt bolýy múmkin degen habar jetkizdi. Bul habar jaıynda AQSh prezıdenti Djo Baıden málimdeme jasady.
«Aýǵanstan astanasy Kabýlde Talıban radıkaldy qozǵalysynyń tarapynan úlken terakt kútilýde. Bul jolǵy qaýiptiń aýqymy da joǵary. AQSh-tyń ulttyq barlaý qyzmeti bizge osyndaı aqparattardy jedel jetkizip otyr»,-dep habar taratty Aq Úıdiń aqparat qyzmeti.
AQSh-tyń barlaý qyzmetiniń boljaýynsha, aldaǵy ýaqytta bolatyn terrorısttik áreketter «Islam memleketi – Ýalııat Horasannyń» tarapynan iske asýy múmkin. Bul uıymnyń tarapynan bolǵan teraktilerden osy ýaqytqa deıin Kabýldyń ózinde 13 amerıkalyq ásker qaza tapqan. Djo Baıden qaza bolǵan amerıkalyq áskerılerdi de atap ótti.
Dál qazir AQSh-tyń Kabýldyń ústinen ushyp júrgen barlaýshy drondary Kabýldy baqylaýǵa alyp, terrorısttik toptardyń áreketin ańdyp, habarlar jiberip otyr. Bul AQSh-tyń Aýǵanstandaǵy eń sońǵy barlaý áreketi emes dep atap ketti AQSh prezıdenti.
Bekbolat QARJAN,
«Adyrna» ulttyq portaly
