قازاقستاننىڭ حالىق جازۋشىسى، اقىن، ادەبيەتتانۋشى، لينگۆيست-زەرتتەۋشى، تۇركولوگ، مەملەكەت جانە قوعام قايراتكەرى، ديپلومات ولجاس سۇلەيمەنوۆ الماتى قالاسىنىڭ اتاۋىنا قاتىستى پىكىر ءبىلدىردى دەپ حابارلايدى "ادىرنا" ۇلتتىق پورتالى.
ول "ۆەچەرني الماتى" گازەتىنە بەرگەن سۇحباتىندا وڭتۇستىك استاناداعى كوشەلەر مەن الاڭداردىڭ اتاۋلارى بۇرىنعى اتاۋلارىنا اۋىسۋىمەن قوسا قالانىڭ الما-اتا اتاۋىن قايتارۋ كەرەكتىگىن جەتكىزدى.
“بۇل اتاۋ ماعىناسى مەن دىبىستالۋى جاعىنان قالاعا كوبىرەك كەلەدى”، – دەيدى اقىن.
ونىڭ پىكىرىنشە، قالانىڭ بۇرىنعى اتاۋى ەلىمىزدەگى قوناقجايلىلىق پەن دامىپ كەلە جاتقان ءتۋريزمنىڭ سيمۆولى بولعان.
"حح عاسىردا ورتالىق ازيادا اشىق، قۋانىشتى داۋىسپەن ايتىلاتىن اتاۋلاردان ءۇش استانا بولدى: سامارقاند، اشحاباد جانە الما-اتا. قوناقجايلىلىق پەن تۋريزمنىڭ نىشاندارى ەدى. سودان كەيىن ولاردىڭ ەڭ دىبىستالۋى اشىق قالا اتاۋلارىنىڭ ءبىرى ەكى اشىق داۋىستى دىبىستان ايىرىلدى. جابىق داۋىستى دىبىستى قازىر الەم تىلدەرىندە ايتۋ قيىن. شىنايى اتاۋىمىزدى قايتارايىق!"- دەدى ولجاس سۇلەيمەنوۆ.
"ادىرنا" ۇلتتىق پورتالى.
