Qazaqstannyń halyq jazýshysy, aqyn, ádebıettanýshy, lıngvıst-zertteýshi, túrkolog, memleket jáne qoǵam qaıratkeri, dıplomat Oljas Súleımenov Almaty qalasynyń ataýyna qatysty pikir bildirdi dep habarlaıdy "Adyrna" ulttyq portaly.
Ol "Vechernıı Almaty" gazetine bergen suhbatynda ońtústik astanadaǵy kósheler men alańdardyń ataýlary burynǵy ataýlaryna aýysýymen qosa qalanyń Alma-Ata ataýyn qaıtarý kerektigin jetkizdi.
“Bul ataý maǵynasy men dybystalýy jaǵynan qalaǵa kóbirek keledi”, – deıdi aqyn.
Onyń pikirinshe, qalanyń burynǵy ataýy elimizdegi qonaqjaılylyq pen damyp kele jatqan týrızmniń sımvoly bolǵan.
"HH ǵasyrda Ortalyq Azııada ashyq, qýanyshty daýyspen aıtylatyn ataýlardan úsh astana boldy: Samarqand, Ashhabad jáne Alma-Ata. Qonaqjaılylyq pen týrızmniń nyshandary edi. Sodan keıin olardyń eń dybystalýy ashyq qala ataýlarynyń biri eki ashyq daýysty dybystan aıyryldy. Jabyq daýysty dybysty qazir álem tilderinde aıtý qıyn. Shynaıy ataýymyzdy qaıtaraıyq!"- dedi Oljas Súleımenov.
"Adyrna" ulttyq portaly.
