تاجىكستاننىڭ وڭتۇستىگىندەگى كۋلياب قالاسىنىڭ ءبىر توپ جاستارى اۋعانستاننىڭ پاندجشيردەگى تاليبانعا قارسى قارسىلىققا ءوز ەركىمەن قوسىلۋعا نيەت ءبىلدىردى. جاستاردىڭ تاجىكستان بيلىگىنە ۇندەۋى الەۋمەتتىك جەلىدە قىزۋ تالقى تۋىنداتۋدا.
كۋليابتىق جاستار تاجىكستان باسشىلىعىنا اتى اڭىزعا اينالعان دالا قولباسشىسى احماد شاح ماسۋدتىڭ ۇلى احماد ماسۋد باسقاراتىن قارسىلىق كۇشتەرىنە كومەكتەسۋ ءۇشىن پاندجشەرگە بارۋعا رۇقسات بەرۋ تۋرالى وتىنىشپەن جۇگىندى. پاندجشەرگە بارعىسى كەلەتىن كۋليابتىقتاردىڭ سانى 2 مىڭ ادامنان اسادى.
تاجىك بيلىگى كۋلياب جاستارى توبىنىڭ مالىمدەمەسىنە ەشقانداي رەاكتسيا بىلدىرمەدى. تاجىكستاننىڭ دەموكراتيالىق پارتياسى 20 تامىزداعى مالىمدەمەسىندە اۋعانستاندا بولىپ جاتقان وقيعالاردى «وسى ەلدىڭ پۋشتۋن ەمەس حالىقتارىنا قارسى تالىبتەردىڭ گەنوتسيدى» دەپ اتادى جانە تاجىكستان ۇكىمەتىن وسى ەلدىڭ ديپلوماتيالىق وكىلدىكتەرىن جابۋعا شاقىردى. دەموكراتتار سونىمەن قاتار «اۋعان بوسقىندارىنىڭ ۋاقىتشا تۇرۋىنا جاعداي جاساۋعا، ولارعا گۋمانيتارلىق كومەك كورسەتۋگە جانە بارلىق ۇكىمەتتىك قۇرىلىمداردا بۇل تالاپتاردىڭ ورىندالۋىن ءجىتى باقىلاۋعا» شاقىرىپ وتىر.
اۋعانستان حالقىنىڭ بەيرەسمي دەرەكتەر بويىنشا 35%-دان استامىن تاجىكتەر قۇرايدى.
"ادىرنا" ۇلتتىق پورتالى
