شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقاننىڭ قاتىسۋىمەن ءال-فارابي عىلىمي-امبەباپ كىتاپحاناسىندا «تاۋەلسىز قازاقستان: جاسامپازدىققا تولى جىلدار. شىمكەنت قالاسىنىڭ باستى جەتىستىكتەرى» تاقىرىبىندا دوڭگەلەك ۇستەل ءوتتى.
باسقوسۋعا «Nur Otan» پارتياسى شىمكەنت قالالىق فيليالى توراعاسىنىڭ ورىنباسارى ءمۇراتالى قالمۇراتوۆ، جازۋشى، جۋرناليست، قوعام قايراتكەرى مارحابات بايعۇت، م. اۋەزوۆ اتىنداعى وقۋ پرورەكتورى ساكەن ماجiنبەكوۆ، قالالىق ءماسليحاتتىڭ دەپۋتاتى راشكۇل وسپاناليەۆا، «ازاماتتىق اليانس» قب توراعاسى جۇماعالي بiلiسبەكوۆ، «شىمكەنت كەلبەتى»، «پانوراما شىمكەنتا» گازەتتەرىنىڭ باس رەداكتورى باقتيار تايجان، قر جۋرناليستەر وداعى شىمكەنت قالالىق فيليالىنىڭ توراعاسى، «وڭتۇستىك» تەلەارناسىنىڭ ديرەكتورى ءۋالي قىدىروۆ، «قاراتاۋ ءداستۇرلى ونەر» مەكتەبىنىڭ ديرەكتورى ءبىرجان بايتۋوۆ، «دۋستليك» وزبەك ەتنومادەني بىرلەستىكتەرى قاۋىمداستىعىنىڭ توراعاسى يكرامجان حاشيمجانوۆ، توكيو وليمپياداسىنىڭ قولا جۇلدەگەرى دارحان ءاسادىلوۆ، «رۋحاني جاڭعىرۋ» وڭىرلىك جوبالىق كەڭسەسىنىڭ مەڭگەرۋشىسى زاۋرە ورالباەۆا قاتىستى.
القالى جيىندا ءسوز العان شىڭعىس جۇمابەكۇلى قازاقستاننىڭ سوڭعى ءۇش ونجىلدىقتاعى مەملەكەتتىك قۇرىلىستاعى تاريحي سەرپىلىسىنىڭ، ارتاراپتاندىرىلعان نارىقتىق ەكونوميكانى قۇرۋدا ءۇشىنشى مەگاپوليستىڭ الار ورنى ەرەكشە ەكەنىن جەتكىزدى. قالا حالقىنىڭ 52 پايىزى ەگەمەندىك العان 30 جىلدىڭ ىشىندە دۇنيەگە كەلگەنىن جانە شاھار تۇرعىندارىنىڭ ورتاشا جاسى 28-ءدى قۇراعانىن ايتتى. سونداي-اق، ايتۋلى جىلدى شاھاردا كەڭ كولەمدە مەرەكەلەۋ بارىسىن اتاپ ءوتتى.
– ەگەمەندىك العالى ەلىمىزدە كوپتەگەن اۋقىمدى جوبالار اتقارىلىپ، سونىڭ جەمىسىن كورىپ كەلەمىز. وسى جەتىستىكتەردىڭ ىشىندە شىمكەنت قالاسى مەن جۇرتشىلىعىنىڭ الاتىن ۇلەسى ەداۋىر. تاۋەلسىزدىكتىڭ 30 جىلدىعىن كەڭ كولەمدە قامتۋ ماقساتىندا باسقارمالار مەن اۋدان اكىمدىكتەرىنەن ۇسىنىستار جيناقتالىپ، ءار ايعا ارنايى اتاۋلار بەرىلگەن. بۇل رەتتە بيىل ءبىرىنشى جارتىجىلدىقتا قالا بويىنشا تاۋەلسىزدىگىمىزدى ۇلىقتاعان 175 ءىس-شارا وتكىزىلدى. ونىڭ ىشىندە رەسپۋبليكالىق 74 اۋقىمدى ءىس-شاراعا 45 مىڭنان استام ادامدى قامتىلدى. بۇل جۇمىستار ءالى دە ءوز جالعاسىن تاباتىنى ءسوزسىز، - دەدى شىڭعىس مۇقان.
دوڭگەلەك ۇستەل بارىسىندا قاتىسۋشىلار تاۋەلسىزدىكتىڭ 30 جىلدىعى اياسىندا شىمشاھاردا اتقارىلعان جۇمىستار مەن جەتكەن جەتىستىكتەردى تالقىلادى. سونىمەن قاتار، «تۋعان قالا» اتتى بەينەروليكتى تاماشالادى.
ا.جادىگەرۇلى
