اتا-بابالارىمىز ءدوپ باسىپ «تۋرا بيدە تۋعان جوق، تۋعاندى بيدە يمان جوق» دەگەن. ادىلدىك پەن تۋراشىلدىقتى تۋ ەتكەندىگىن عاسىر قايراتكەرلەرى تولە بي، قازىبەك بي، ايتەكە بي جانە تاعى دا باسقا ءبىرتۋار بيلەر مەن شەشەندەردىڭ ءومىرى دالەل بولاتىندىعىن ءبىز تاريحتان جاقسى بىلەمىز.
ءاربىر ادام نەمەسە باسشى مەن مەملەكەتتىك قىزمەتشى بۇكىل بولمىس-بىتىمىمەن ادال، ءادىل، تۋراشىل، تازا بولىپ، ناقتىراق ايتقاندا وزىنە جۇكتەلگەن مىندەتتى ءمىنسىز اتقارمايىنشا قوعام تۇزەلمەيدى، ەلدىڭ دامۋى العا جىلجىمايدى.
بۇگىنگى تاڭدا الەۋمەتتىك اۋرۋدىڭ الدىن الۋ جانە اشكەرەلەۋ ءۇردىسى جىلدان جىلعا وسە تۇسۋدە. پاراقورلىقپەن ەلىمىزدە قولىندا بيلىگى بار، شەشىم شىعارۋعا، ءبولىپ بەرگىزۋگە وكىلەتتى جەتەتىن قىزمەتكەردىڭ اينالىسىپ وتىرعانى بەلگىلى.
جەمقورلىق قىلمىستارى كوبىنە پارا الۋ جەر تەلىمدەرىن بولۋدە، سۋبسيديا بەرۋدە تەرىس ماقساتتى كوزدەۋ، مەملەكەتتىك ساتىپ الۋدى وتكىزۋ كەزىندە بيۋدجەتتىك قاراجاتتى ۇرلاۋمەن بايلانىستى بولىپ جاتادى.
ءبىزدىڭ قوعامدىق رۋحاني سانامىزدى جانە مەملەكەتشىلدىك سانامىزدى جاڭعىرتۋىمىز كەرەك. ءبىزدىڭ مەملەكەتشىلدىك سانامىز ءالى بيىك دەڭگەيگە كوتەرىلدى دەپ ايتۋ قيىن. ءبىزدىڭ قوعامىمىزدىڭ دامۋىنا كەرى اسەر ەتىپ وتىرعان ءالى دە كوررۋپتسيا بار، جات قىلىقتار بار.
اريستوتەل: «سىبايلاس جەمقورلىققا قارسى كۇرەس جۇرگىزۋ دەگەنىمىز – بۇل مەملەكەتتە تۇراقتىلىقتى قامتاماسىز ەتۋدىڭ قاجەتتى شارتى» – دەپ، ايتقان ەكەن. سىبايلاس جەمقورلىق مەملەكەتتى ىشىنەن جويۋدىڭ باستاماسى مەن جەتىستىكتەردى جوققا شىعاراتىن، ۇلتتىق قاۋىپسىزدىككە قاۋىپ-قاتەر اكەلەتىندىگى كۇمانسىز. بۇل دەرتتىڭ الدىن الىپ، قوعامعا تارالۋ جولدارىن كەسىپ، ونىڭ ۇلعايۋىنا جول بەرمەۋ كەرەك. «سىبايلاس جەمقورلىققا قارسى كۇرەس تۋرالى» زاڭ تالابىنىڭ اياسىندا جەمقورلىققا قارسى ءىس-ارەكەتتەر ءار سالادا جۇزەگە اسىرىلۋدا. حالىق پاراقورلىق دەرتىمەن ءجيى بەتپە-بەت كەلەدى. سوندىقتان، كەز كەلگەن ورتادا پارا بەرۋ مەن پارا الۋدىڭ جولىن كەسۋدە قوعام بولىپ بەلسەندىلىك تانىتۋىمىز قاجەت. ەلiمiزدە وسى ماسەلەگە ارنايى قابىلدانعان زاڭدار دا، اتقارىلىپ جاتقان جۇمىستار دا بارشىلىق، بiراق بۇل ماسەلە ءالi تولىق شەشiمiن تاپقان جوق.
سىبايلاس جەمقورلىقپەن كۇرەسۋ بارلىق قازاقستان رەسپۋبليكاسى ازاماتتارىنىڭ ازاماتتىق بورىشى دەپ ءبىلۋ كەرەك.
ايتا كەتەيىك، مەملەكەت باسشىسىنىڭ 2020 جىلعى 1 قىركۇيەكتەگى جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ
116-تارماعىن ورىنداۋ ماقساتىندا اۋدان اۋماعىنداعى مەملەكەتتىك مەكەمەلەردىڭ، ياعني اۋدان اكىمى اپپاراتىنىڭ، 15 اۋىلدىق وكرۋگ پەن 13 ءبولىمنىڭ قىزمەتىنە سىبايلاس جەمقورلىق تاۋەكەلدەرىنە ىشكى تالداۋ جۇرگىزىلدى. اۋدان بويىنشا «ءموبيلدى اۋىل» جوباسىن جەرگىلىكتى ەلدى مەكەندەردە، «WhatsApp مەسسەندجەرى» ارقىلى، مەملەكەتتىك بيلىكتى جۇزەگە اسىراتىن مەكەمەلەر، جەرگىلىكتى پوليتسيا قىزمەتكەرلەرى، سالىق قىزمەتكەرلەرى، اۋرۋحانا قىزمەتكەرلەرى، ءبىلىم بەرۋ مەكەمەلەرىنىڭ باسشىلارى جانە تاعى باسقا مەكەمە قىزمەتكەرلەرى ونلاين فورماتتا حالىقپەن تىكەلەي بايلانىس ورناتىپ، مازالاعان سۇراقتارىن، تۋىنداعان ماسەلەلەرىن تىكەلەي جاۋاپ بەرۋگە ارنالعان ارنايى توپ قۇرىلىپ، توپتىڭ قۇرامىنا اۋىلدىق وكرۋگ اكىمدەرى، قوعام بەلسەندىلەرى ەنگىزىلدى.
سونداي-اق، مەملەكەت باسشىسى قاسىم-جومارت توقاەۆتىڭ
«حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ ماقساتىندا، مەملەكەتتىك ورگانداردىڭ جۇمىسىن اشىقتىق پەن جاريالىلىققا باعدارلاپ، كورسەتىلەتىن قىزمەتتەردىڭ قولجەتىمدى بولۋىن قامتاماسىز ەتۋ، قىزمەت الۋشىلارعا قولايلى جانە كەدەرگىسىز جاعدايلار جاساۋ، سىبايلاس جەمقورلىق تاۋەكەلدەرىنىڭ الدىن الۋ ماقساتىندا كەربۇلاق اۋدانى بويىنشا قوعالى اۋىلدىق وكرۋگى اكىمىنىڭ اپپاراتى، سارىوزەك اۋىلدىق وكرۋگى اكىمىنىڭ اپپاراتى، باسشي اۋىلدىق وكرۋگى اكىمىنىڭ اپپاراتى مەملەكەتتىك مەكەمەلەرى، قاراشوقى، پانفيلوۆ، پ.دۋتوۆ، كۇرەڭبەل، قوساعاش، سارىباستاۋ، ى. التىنسارين، سارىبۇلاق ورتا مەكتەپتەرى «Open Space» فورماتىنا، 71 مەملەكەتتىك مەكەمە باسشىلارى ءبىرىنشى قاباتقا كوشىرىلىپ جۇمىس جاساۋدا. اۋدان ورتالىعى مەن اۋىلدىق جەرلەردە سىبايلاس جەمقورلىققا قارسى ءىس-قيمىل تاقىرىبىندا 14 بيلبورد ورناتىلىپ، تۇرعىنداردان تۇسكەن ارىز-شاعىمدارعا ارنالعان 25 جاشىك جانە "جەتىسۋ ادالدىق الاڭى" ارنايى جوباسى اياسىندا اۋدان بويىنشا حالىق كوپ شوعىرلانعان جەرلەرگە سەنىم تەلەفوندارى ورنالاسقان 80 پلاكات ءىلىندى. «ادال كومەك» جوباسىن ىسكە اسىرىپ، الەۋمەتتىك جەلىدە ونلاين تۇردە تەگىن قۇقىقتىق كەڭەستەر بەرۋ ماقساتىندا ءبولىم باسشىلارىمەن جانە اۋىلدىق وكرۋگ اكىمدەرىمەن 6 ايدا 28 تىكەلەي ەفير ۇيىمداستىرىلدى.
