رەسەي تاجىكستاننىڭ اۋعانستانمەن شەكتەسكەن شەكارا تۇستارىنا اسكەري تەحنيكالارىن جەتكىزىپ جاتىر. ونىڭ ىشىندە «كورنەت» اتتى تانكتەرگە قارسى زىمىران كەشەندەرى دە بار. بۇل جايىندا تاجىكستاننىڭ ورتالىق اسكەري وكرۋگى حابارلادى دەپ جازدى «Sputnik تادجيكيستان» اقپاراتتىق پورتالى.
«كورنەت» اتتى تانكتەرگە قارسى زىمىران كەشەندەرى رەسەيدىڭ 201-ءشى اسكەري تەحنيكالىق بازاسى رەتىندە اۋعانستانداعى جاعدايعا قاتىستى ەكسپلۋاتاتسياعا بەرىلىپتى. ونى رەسەي قورعانىس سالاسىنىڭ ارتيللەريا ءبولىمى باسقارادى.
تاجىكستاننىڭ اۋعانستانمەن شەكتەسكەن شەكارا تۇسىنا رەسەيدىڭ ءوز اسكەري تەحنيكالارىن اپارىپ قويۋى الداعى ۋاقىتتاردا قاۋىپتىڭ بولاتىنىن كورسەتەتىن سياقتى. ءوزىنىڭ گەوساياسي مۇددەلەرىن قورعاۋ ماقساتىندا رەسەي تاليبان راديكالدى قوزعالىسىنىڭ جاساقتارىن دا قارۋلارمەن قامتاماسىز ەتۋى ابدەن مۇمكىن. رەسەيلىك اسكەريلەر «كورنەت» اتتى تانكتەرگە قارسى زىمىران كەشەنىن جاۋدىڭ ۇشاقتارى مەن تىكۇشاقتارىنا دا قارسى قولدانامىز دەپ وتىر.
بەكبولات قارجان،
«ادىرنا» ۇلتتىق پورتالى
