بيىلعى قۋاڭشىلىق سالدارىنان ماڭعىستاۋ وبلىسىندا مال قىرىلىپ، شارۋالارعا سوققى بولۋدا. اۋىل شارۋاشىلىعى مينيسترلىگىنىڭ رەسمي ستاتيستيكاسى بويىنشا، ماڭعىستاۋ وبلىسىندا قۋاڭشىلىقتان 1147 مال قىرىلعان. مينيسترلىكتىڭ سايتىندا جاريالانعان ماتەريالعا سەنسەك، سوندا ماڭعىستاۋداعى بۇكىل مالدىڭ 0,13 پايىزى، قۋاڭشىلىقتان ولگەن.
ماڭعىستاۋ وبلىسىنىڭ جەرى جايسىز بولعاندىقتان، ءتورت تۇلىكتىڭ سانى از ايماقتىڭ ءبىرى سانالادى.
Stat.gov.kz سايتىنىڭ دەرەگىنە جۇگىنسەك، رەسپۋبليكالىق كورسەتكىش بويىنشا ەلىمىزدەگى جىلقى سانى 3,5 ملن-نان اسادى. ال ونىڭ ىشىندە ماڭعىستاۋ وبلىسى جىلقى سانىنىڭ كورسەتكىشىمەن سوڭىنان ساناعاندا 4-ءشى ورىندى (نۇر-سۇلتان، الماتى، شىمكەنت) الادى.
ماڭعىستاۋ وبلىسىنداعى جىلقىنىڭ ستاتيستيكاسى:
2018 جىل (1 تامىزداعى مالىمەت) - 77,491
2019 جىل (1 تامىزداعى مالىمەت) - 78,36
2020 جىل (1 تامىزداعى مالىمەت) - 91,145
2021 جىل (1 تامىزداعى مالىمەت) - 95,684
2021 جىلداعى كورسەتكىشى:
ءساۋىر - 124,068
مامىر - 123,671
ماۋسىم - 123,49
شىلدە - 122,453
تامىز - 95,684
رەسپۋبليكامىزداعى تۇيەنىڭ سانى 236 مىڭنان اسادى. ونىڭ 3-تەن 1-ءى ماڭعىستاۋ وبلىسىندا تىرشىلىك ەتەدى.
ماڭعىستاۋ وبلىسىنداعى تۇيەنىڭ ستاتيستيكاسى:
2018 جىل (1 تامىزداعى مالىمەت) - 64,404
2019 جىل (1 تامىزداعى مالىمەت) - 71,370
2020 جىل (1 تامىزداعى مالىمەت) - 72,362
2021 جىل (1 تامىزداعى مالىمەت) - 73,530
2021 جىلداعى كورسەتكىشى:
ءساۋىر - 85,893
مامىر - 85,713
ماۋسىم - 85,474
شىلدە - 84,778
تامىز - 73,530
رەسپۋبليكامىزداعى سيىردىڭ سانى - 8 ملن 600 مىڭ. سيىر كورسەتكىشى بويىنشا ماڭعىستاۋ ارتىنان ساناعاندا 3-ورىندا.
ماڭعىستاۋ وبلىسىنداعى سيىردىڭ ستاتيستيكاسى:
2018 جىل (1 تامىزداعى مالىمەت) - 20,362
2019 جىل (1 تامىزداعى مالىمەت) - 21,409
2020 جىل (1 تامىزداعى مالىمەت) - 23,830
2021 جىل (1 تامىزداعى مالىمەت) - 23,916
2021 جىلداعى كورسەتكىشى:
ءساۋىر - 30,649
مامىر - 29,585
ماۋسىم - 29,481
شىلدە - 28,681
تامىز - 23,916
رەسپۋبليكامىزداعى قويدىڭ سانى - 23 ملن 500 مىڭنان اسادى. ماڭعىستاۋ وبلىسى قويدىڭ سانى بويىنشا سوڭىنان ساناعاندا 3-ورىندى الادى.
ماڭعىستاۋ وبلىسىنداعى قويدىڭ ستاتيستيكاسى:
2018 جىل (1 تامىزداعى مالىمەت) - 439,631
2019 جىل (1 تامىزداعى مالىمەت) - 432,859
2020 جىل (1 تامىزداعى مالىمەت) - 455,67
2021 جىل (1 تامىزداعى مالىمەت) - 436,206
2021 جىلداعى كورسەتكىشى:
ءساۋىر - 614,261
مامىر - 613,522
ماۋسىم - 610,730
شىلدە - 603,099
تامىز - 436,206
دەرەككوز: stat.gov.kz
ەندى سوڭعى 5 ايدا مالدىڭ سانى قانشاعا ازايعانىن ەسەپتەيىك:
جىلقى - 28 384
تۇيە - 12 363
سيىر - 6 733
قوي - 178 055
بارلىعى: 225 535
ماڭعىستاۋ وبلىسىنداعى قۋاڭشىلىق العاش رەت بولىپ جاتىر ما?
2020 جىلدىڭ ءساۋىر-تامىز ايلارىندا مالدىڭ سانى 204 704-كە دەيىن قىسقارعان.
2019 جىلدىڭ ءساۋىر-تامىز ايلارىندا مالدىڭ سانى 199 921-گە دەيىن قىسقارعان.
كورگەنىڭىزدەي، ماڭعىستاۋ وبلىسىنداعى مال باسىنىڭ سانىنىڭ قىسقارۋىن بۇعان دەيىنگى جىلداردا دا كورىنىس تاپقان. الايدا بيىلعى كورسەتكىش بۇرىنعى جىلدارمەن سالىستىرعاندا كوبىرەك.
ماڭعىستاۋ وبلىسىنداعى قۋاڭشىلىقتىڭ سەبەبى نەدە؟
- كاسپي تەڭىزىنىڭ تارتىلۋى.
كاسپي تەڭىزىنىڭ يرانداعى ۇلتتىق زەرتتەۋ ورتالىعىنىڭ باسشىسى باني حاشەمي:
"2019 جىلى كاسپي تەڭىزى وتكەن جىلعا قاراعاندا 13 سم-گە تومەندەگەن. بۇعان باستى سەبەپ، كاسپي تەڭىزىنە قۇياتىن جايىق وزەنىنەن سۋدىڭ ازايۋى (رەسەي بۇل وزەن اۋماعىندا بىرنەشە سۋ قويماسىن تۇرعىزعان). ەكىنشى سەبەپ، كاسپي تەڭىزىندەگى تەمپەراتۋرانىڭ (جاۋىن-شاشىننىڭ از بولۋى، كۇننىڭ ىستىق بولۋى)كوتەرىلۋى".
بۇل كاسپي تەڭىزىنىڭ قاسىنداعى ايماقتارعا اسەر ەتەتىنى انىق.
بۇل جايلى اۋىل شارۋاشىلىعىنىڭ مينيسترلىگى: "سوڭعى 3 جىلدا ماڭعىستاۋ وبلىسىندا قۇرعاشىلىق بايقالۋدا" - دەپ، ايتتى.
بۇل وقيعا بيلىككە قالاي اسەر ەتتى؟
- پرەزيدەنت قاسىم-جومارت توقاەۆ اۋىل شارۋاشىلىعى ءمينيسترى ساپارحان وماروۆتىڭ جۇمىسىن سىنعا الىپ، قۋاڭشىلىققا بايلانىستى شۇعىل جانە باتىل شەشىمدەر قابىلداماعانى ءۇشىن، وتستاۆكاعا جىبەردى.
- اۋىل شارۋاشىلىعى مينيسترلىگىنىڭ قىزمەتكەرلەرى 1 كۇندىك جالاقىلارىن ماڭعىستاۋ وبلىسىنداعى ارنايى قورعا اۋدارىپ، ەلىمىزدەگى ازاماتتارىمىزدان «قۇرعاقشىلىقتان زارداپ شەككەندەرگە قايىرىمدىلىق قورىن» كورسەتۋدى سۇرادى.
- ماڭعىستاۋ وبلىسى كاسىپكەرلەر پالاتاسى وڭىرلىك كەڭەسىنىڭ توراعاسى ەدىل جاڭبىرشين: «قازىر ماڭعىستاۋ، قىزىلوردا، تۇركىستان وبلىستارىندا قۇرعاقشىلىق بولىپ جاتقانى وزدەرىڭىزگە بەلگىلى. مالدىڭ كولەمى، جەرگە ەكوتسيد، وسىمدىكتىڭ وسپەۋى، مال جايىلىمىنىڭ تارىلۋى سياقتى كوپتەگەن ماسەلە تۋىنداپ جاتىر. ءبىز پروبلەمادان شىعۋ ءۇشىن، ەلگە قاجەت ادىستەردى ىزدەپ، كليماتتىق تەحنولوگيانىڭ بار ەكەنىن ءبىلىپ، مامانداردى ماڭعىستاۋعا شاقىردىق. قازىر قولدان جاڭبىر جاۋدىرۋدان باسقا جولىن كورىپ وتىرعان جوقپىز».
- «ۇكىمەت باسشىسىنىڭ تاپسىرماسى بويىنشا ماڭعىستاۋ وبلىسىنا 5,3 ملرد تەڭگە ءبولىندى، ونىڭ 1,9 ملرد تەڭگەسى ءشوپ ساتىپ الۋعا، 3,4 ملرد تەڭگە جەم ساتىپ الۋعا باعىتتالادى.
ماڭعىستاۋ وبلىسىنا كورسەتىلگەن كومەك بيىلعى ماسەلەنى شەشكەنىمەن، الداعى جىلداعى قاۋىپتىڭ الدىن الا ما؟ بارلىعى ۋاقىت ەنشىسىندە!
قانات بايۇزاقوۆ،
"ادىرنا" ۇلتتىق پورتالى
