Bıylǵy qýańshylyq saldarynan Mańǵystaý oblysynda mal qyrylyp, sharýalarǵa soqqy bolýda. Aýyl sharýashylyǵy mınıstrliginiń resmı statıstıkasy boıynsha, Mańǵystaý oblysynda qýańshylyqtan 1147 mal qyrylǵan. Mınıstrliktiń saıtynda jarııalanǵan materıalǵa sensek, sonda Mańǵystaýdaǵy búkil maldyń 0,13 paıyzy, qýańshylyqtan ólgen.
Mańǵystaý oblysynyń jeri jaısyz bolǵandyqtan, tórt túliktiń sany az aımaqtyń biri sanalady.
Stat.gov.kz saıtynyń deregine júginsek, respýblıkalyq kórsetkish boıynsha elimizdegi jylqy sany 3,5 mln-nan asady. Al onyń ishinde Mańǵystaý oblysy jylqy sanynyń kórsetkishimen sońynan sanaǵanda 4-shi oryndy (Nur-Sultan, Almaty, Shymkent) alady.
Mańǵystaý oblysyndaǵy jylqynyń statıstıkasy:
2018 jyl (1 tamyzdaǵy málimet) - 77,491
2019 jyl (1 tamyzdaǵy málimet) - 78,36
2020 jyl (1 tamyzdaǵy málimet) - 91,145
2021 jyl (1 tamyzdaǵy málimet) - 95,684
2021 jyldaǵy kórsetkishi:
Sáýir - 124,068
Mamyr - 123,671
Maýsym - 123,49
Shilde - 122,453
Tamyz - 95,684
Respýblıkamyzdaǵy túıeniń sany 236 myńnan asady. Onyń 3-ten 1-i Mańǵystaý oblysynda tirshilik etedi.
Mańǵystaý oblysyndaǵy túıeniń statıstıkasy:
2018 jyl (1 tamyzdaǵy málimet) - 64,404
2019 jyl (1 tamyzdaǵy málimet) - 71,370
2020 jyl (1 tamyzdaǵy málimet) - 72,362
2021 jyl (1 tamyzdaǵy málimet) - 73,530
2021 jyldaǵy kórsetkishi:
Sáýir - 85,893
Mamyr - 85,713
Maýsym - 85,474
Shilde - 84,778
Tamyz - 73,530
Respýblıkamyzdaǵy sıyrdyń sany - 8 mln 600 myń. Sıyr kórsetkishi boıynsha Mańǵystaý artynan sanaǵanda 3-orynda.
Mańǵystaý oblysyndaǵy sıyrdyń statıstıkasy:
2018 jyl (1 tamyzdaǵy málimet) - 20,362
2019 jyl (1 tamyzdaǵy málimet) - 21,409
2020 jyl (1 tamyzdaǵy málimet) - 23,830
2021 jyl (1 tamyzdaǵy málimet) - 23,916
2021 jyldaǵy kórsetkishi:
Sáýir - 30,649
Mamyr - 29,585
Maýsym - 29,481
Shilde - 28,681
Tamyz - 23,916
Respýblıkamyzdaǵy qoıdyń sany - 23 mln 500 myńnan asady. Mańǵystaý oblysy qoıdyń sany boıynsha sońynan sanaǵanda 3-oryndy alady.
Mańǵystaý oblysyndaǵy qoıdyń statıstıkasy:
2018 jyl (1 tamyzdaǵy málimet) - 439,631
2019 jyl (1 tamyzdaǵy málimet) - 432,859
2020 jyl (1 tamyzdaǵy málimet) - 455,67
2021 jyl (1 tamyzdaǵy málimet) - 436,206
2021 jyldaǵy kórsetkishi:
Sáýir - 614,261
Mamyr - 613,522
Maýsym - 610,730
Shilde - 603,099
Tamyz - 436,206
Derekkóz: stat.gov.kz
Endi sońǵy 5 aıda maldyń sany qanshaǵa azaıǵanyn esepteıik:
Jylqy - 28 384
Túıe - 12 363
Sıyr - 6 733
Qoı - 178 055
Barlyǵy: 225 535
Mańǵystaý oblysyndaǵy qýańshylyq alǵash ret bolyp jatyr ma?
2020 jyldyń sáýir-tamyz aılarynda maldyń sany 204 704-ke deıin qysqarǵan.
2019 jyldyń sáýir-tamyz aılarynda maldyń sany 199 921-ge deıin qysqarǵan.
Kórgenińizdeı, Mańǵystaý oblysyndaǵy mal basynyń sanynyń qysqarýyn buǵan deıingi jyldarda da kórinis tapqan. Alaıda bıylǵy kórsetkish burynǵy jyldarmen salystyrǵanda kóbirek.
Mańǵystaý oblysyndaǵy qýańshylyqtyń sebebi nede?
- Kaspıı teńiziniń tartylýy.
Kaspıı teńiziniń Irandaǵy ulttyq zertteý ortalyǵynyń basshysy Banı Hashemı:
"2019 jyly Kaspıı teńizi ótken jylǵa qaraǵanda 13 sm-ge tómendegen. Buǵan basty sebep, Kaspıı teńizine quıatyn Jaıyq ózeninen sýdyń azaıýy (Reseı bul ózen aýmaǵynda birneshe sý qoımasyn turǵyzǵan). Ekinshi sebep, Kaspıı teńizindegi temperatýranyń (jaýyn-shashynnyń az bolýy, kúnniń ystyq bolýy)kóterilýi".
Bul Kaspıı teńiziniń qasyndaǵy aımaqtarǵa áser etetini anyq.
Bul jaıly Aýyl sharýashylyǵynyń mınıstrligi: "Sońǵy 3 jylda Mańǵystaý oblysynda qurǵashylyq baıqalýda" - dep, aıtty.
Bul oqıǵa bılikke qalaı áser etti?
- Prezıdent Qasym-Jomart Toqaev Aýyl sharýashylyǵy mınıstri Saparhan Omarovtyń jumysyn synǵa alyp, qýańshylyqqa baılanysty shuǵyl jáne batyl sheshimder qabyldamaǵany úshin, otstavkaǵa jiberdi.
- Aýyl sharýashylyǵy mınıstrliginiń qyzmetkerleri 1 kúndik jalaqylaryn Mańǵystaý oblysyndaǵy arnaıy qorǵa aýdaryp, elimizdegi azamattarymyzdan «qurǵaqshylyqtan zardap shekkenderge qaıyrymdylyq qoryn» kórsetýdi surady.
- Mańǵystaý oblysy kásipkerler palatasy óńirlik keńesiniń tóraǵasy Edil Jańbyrshın: «Qazir Mańǵystaý, Qyzylorda, Túrkistan oblystarynda qurǵaqshylyq bolyp jatqany ózderińizge belgili. Maldyń kólemi, jerge ekoıd, ósimdiktiń óspeýi, mal jaıylymynyń tarylýy sııaqty kóptegen másele týyndap jatyr. Biz problemadan shyǵý úshin, elge qajet ádisterdi izdep, klımattyq tehnologııanyń bar ekenin bilip, mamandardy Mańǵystaýǵa shaqyrdyq. Qazir qoldan jańbyr jaýdyrýdan basqa jolyn kórip otyrǵan joqpyz».
- «Úkimet basshysynyń tapsyrmasy boıynsha Mańǵystaý oblysyna 5,3 mlrd teńge bólindi, onyń 1,9 mlrd teńgesi shóp satyp alýǵa, 3,4 mlrd teńge jem satyp alýǵa baǵyttalady.
Mańǵystaý oblysyna kórsetilgen kómek bıylǵy máseleni sheshkenimen, aldaǵy jyldaǵy qaýiptiń aldyn ala ma? Barlyǵy ýaqyt enshisinde!
Qanat BAIUZAQOV,
"Adyrna" ulttyq portaly
