2019 جىلى الماتى ماڭىندا Bek Air ۇشاعى اپاتقا ۇشىراعاننان سوڭ قازا تاپقان ۇشقىش مەيىرجان مولداقۇلوۆتىڭ وتباسىنا 4 ملن تەڭگە بەرىلەدى. بۇل تۋرالى قازاقستان رەسپۋبليكاسى ۇكىمەتىنىڭ رەزەرۆىنەن قاراجات ءبولۋ تۋرالى قاۋلىسىندا جازىلدى.
«2019 جىلعى 27 جەلتوقساندا الماتى وبلىسىنىڭ تالعار اۋدانىندا بولعان اۋە اپاتىنان قازا تاپقان ۇشقىش ميرجان گاينۋلوۆيچ مۋلداكۋلوۆتىڭ جۇبايى زاۋرەش نۋرگاليەۆنا مۋلداكۋلوۆاعا 2021 جىلعى 29 ساۋىردەگى ءوتىنىشى نەگىزىندە قارجىلاي كومەك كورسەتۋگە قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگىنە 2021 جىلعا ارنالعان رەسپۋبليكالىق بيۋدجەتتە كوزدەلگەن قازاقستان رەسپۋبليكاسى ۇكىمەتىنىڭ شۇعىل شىعىندارعا ارنالعان رەزەرۆىنەن 4000000 ء(تورت ميلليون) تەڭگە سوماسىندا قاراجات ءبولىنسىن»،— دەلىنگەن قۇجاتتا.
ەسكە سالا كەتەيىك، 2019 جىلى BekAir اۋەكومپانياسىنىڭ ۇشاعى الماتى-استانا باعىتىنداعى رەيسىنە ۇشۋ كەزىندە بيىكتىكتى جوعالتىپ، الماتى وبلىسى، تالعار اۋدانىنا قاراستى گۇلدالا جانە المەرەك ەلدى-مەكەندەرىنە قۇلاعان ەدى. اپات سالدارىنان 12 ادام قازا تاپتى.
«ادىرنا» ۇلتتىق پورتالى
