2019 jyly Almaty mańynda Bek Air ushaǵy apatqa ushyraǵannan soń qaza tapqan ushqysh Meıirjan Moldaqulovtyń otbasyna 4 mln teńge beriledi. Bul týraly Qazaqstan Respýblıkasy Úkimetiniń rezervinen qarajat bólý týraly Qaýlysynda jazyldy.
«2019 jylǵy 27 jeltoqsanda Almaty oblysynyń Talǵar aýdanynda bolǵan áýe apatynan qaza tapqan ushqysh Mırjan Gaınýlovıch Mýldakýlovtyń jubaıy Zaýresh Nýrgalıevna Mýldakýlovaǵa 2021 jylǵy 29 sáýirdegi ótinishi negizinde qarjylaı kómek kórsetýge Qazaqstan Respýblıkasynyń Eńbek jáne halyqty áleýmettik qorǵaý mınıstrligine 2021 jylǵa arnalǵan respýblıkalyq bıýdjette kózdelgen Qazaqstan Respýblıkasy Úkimetiniń shuǵyl shyǵyndarǵa arnalǵan rezervinen 4000000 (tórt mıllıon) teńge somasynda qarajat bólinsin»,— delingen qujatta.
Eske sala keteıik, 2019 jyly BekAir áýekompanııasynyń ushaǵy Almaty-Astana baǵytyndaǵy reısine ushý kezinde bıiktikti joǵaltyp, Almaty oblysy, Talǵar aýdanyna qarasty Gúldala jáne Álmerek eldi-mekenderine qulaǵan edi. Apat saldarynan 12 adam qaza tapty.
«Adyrna» ulttyq portaly
