وتباسىلىق كيكىلجىڭ نەدەن تۋىندايدى نەمەسە اجىراسۋ نەگە سونشا كوبەيىپ جاتىر؟
ماعان ەكى كاسىپكەر ازامات كومەك سۇراپ كەلدى. بىراق مەن زاڭگەر ەمەسپىن. ەكەۋىنىڭ دە جاعدايى وتباسىلىق كيكىلجىڭ. ەكەۋى دە تابىستى، قالتالى ازاماتتار. ەكەۋىنىڭ دە باسىندا بولىپ جاتقان جاعدايلارى ايەلدەرىنىڭ تاراپىنان كورگەن زۇلىمدىق.
جاعدايدىڭ ءمان جايىن ءلازززات احاتوۆا ەكەۋىمىز زەرتتەپ قارادىق. وتباسىنىڭ قيراۋىنا ايەلدىڭ تىكەلەي كەسىرى ءتيىپ تۇر.
ءبىرىنشى ازامات شەتەلدەن تاۋار الىپ كەلىپ، قازاقستاندا ءوزىنىڭ كاسىبىن جۇرگىزەدى. ءبىراز بۇرىن استانا قالاسىندا «زەلەنىي كۆارتال» تۇرعىن ءۇي كەشەنىنەن 42 ميلليونعا ءۇش بولەملى ءۇي ساتىپ الدى. استىندا بىرنەشە كولىگى بار. شەتەلدەن تاۋارلار الىپ كەلەتىن ءوزىنىڭ جەكە ەكى فۋرالارى بار. ءوزىنىڭ جەكە تاۋار اينالىمىندا پالەنباي ميلليون قاراجات اينالىمدا جۇمىس ىستەپ جاتىر. سونىمەن بيزنەس بارىسىمەن سىرتتى جۇرەتىن بۇل ازامات ايەلىنە ەكى ماركەت اشىپ اشىپ بەرەدى. استىنا قىمبات كولىپ الىپ بەرەدى. ەكى ماركەتتەگى تاۋار اينالىمى 40 ميلليوننان اسىپ تۇرادى. سونىمەن بيزنەسىنە ايەلىن سەرىك قىلىپ قويادى. ارادا كوپ ۋاقىت تا وتپەي، (1 جىلعا دا جەتپەيدى) ايەل 180 گرادۋسقا وزگەرىپ سالادى. ۇنەمى جۇمىس پەن كاسىپتىڭ اينالاسىندا جۇرگەن ازاماتتىڭ دا ازداپ دەنساۋلىعى سىر بەرە باستايدى. وتباسىندا دۇنيەگە تالاس-تارتىس باستالادى. ايەل ءارتۇرلى قادامدارعا بارىپ، سوڭىندا ەر ازاماتىن ۇيىنەن شىعارىپ، وعان جيناعان دۇنيەسىنىڭ ءبىر ۋىسىن عانا قالدىرىپ، قالانىڭ ءبىر شەتىنەن ءبىر بولمەگى ۇيگە قۋىپ شىعارماق بولادى. ەر ازامات بالالارىم ءۇشىن مەن مىناۋ دۇنيەنىڭ ءبىر دە بىرەۋىن المايمىن. تەك سەندەرگە قالدىرامىن دەپ ۇيىنەن شىعادى دا، جۇمىسىنا كەتىپ قالىپ جۇرە بەرەدى. سول ارالىقتا ايەلى بالالارىنا ءوزىنىڭ اكەسى تۋرالى تەرىس ۇگىت ناسيحاتتى باستايدى. ونىمەن توقتاماي، ءوزىنىڭ تۋىستارى مەن اتا-اناسىن وسى كيكىلجىڭگە ارالاستىرادى. وتباسىمەن كەلىپ ەر ازاماتتىڭ مازاسىن الىپ، جان-جاقتان جابىلۋدى شىعارادى. وسى ەكى ورتادا ەر ازامات جۇيكەسى كوتەرمەي، دەنساۋلىعى دا سىر بەرە باستايدى.
سودان الگى ازاماتپەن كەزدەستىم. ءمان جايدىڭ بارلىعىن باسىنان اياق ءتۇسىندىردى. ءسوزىنىڭ سوڭىندا، مەن ەشتەڭە دە المايمىن، ءوزىم جەكە باسىممەن كەتەمىن دەدى.
ونىڭ بۇلاي كەتۋىن مەن قۇپتاعان جوقپىن. دەنساۋلىعى ناشارلاپ، ەرتەڭ باسى دالادا قالاتىنىن ءتۇسىندىم دە، جەدەل قول ۇشىن بەرۋگە تىرىستىم.
سودان بۇل ەر ازاماتتىڭ ايەلى سوتقا اجىراسۋعا ارىز بەرىپ قويىپتى. وزىنە ادۆوكات جالداپ، توبەسىنەن مىسقىلداپ، دۇنيەنىڭ ءبارى مەنىڭ قولىمدا، سەنى اتتاندىرىپ سالامىن دەپ جينالىپ قويعان. ايەلى كۇيەۋىنە زاڭنىڭ ءبارى ايەلدىڭ ءسوزىن سويلەيتىنىن بىلەسىڭ دەپ سويلەيدى ەكەن. ەر ازامات ايەلىنە قول جۇمساماعان. جاقىندا عانا ۇلكەن قىزىن ۇزاتىپ، ەر ازاماتتىڭ تۋىسقاندارىنان بىرەۋىن دە شاقىرماعان. تويدىڭ ۇستىندە قىزى جىلاپ، اكەسىنىڭ ءسوزىن سويلەپ، اقىر سوڭى توبەلەسكە ۇلاسىپ كەتكەن. وتباسى وسىلاي قيراعان.
بۇل ازاماتتىڭ قازىر دەنساۋلىعى ناشارلاپ كەتتى. سوندىقتان كومەك بەرۋدى ءوزىمىز قولعا الدىق.
ال، ەندى ەكىنشى ازاماتتىڭ جايىنا كەلەيىك. بۇل ازامات تا كاسىپكەر. استانا قالاسىندا جەكە ۇلكەن كوتتەدجى بار. كوتتەدجىنىڭ اينالاسىنا 11 پاتەردى جالعا بەرىپ قويعان. بۇل ازاماتتىڭ دا ايەلىنىڭ جاعدايى الدىڭعى ازاماتتىڭ ايەلىنىڭ جاعدايىنا ۇقسايدى. ءولتىرىپ بارا جاتقان قۋ دۇنيە. بۇل ازامات كوتتەدجىن دە، ونىڭ اينالاسىنداعى بارلىق كۆارتيرانتتار ۇستايتىن ورىنداردىڭ ءبارىن ءوزىنىڭ قارا تەرىمەن سالعان. ۇيىندە ءوزىنىڭ تسەحتارى جۇمىس ىستەپ تۇر. ونىڭ دا تابىسى مىقتى. پاتەرلەردەن دە ايىنا ميللونداعان قارجى ءتۇسىپ تۇر. سودان ايەل دۇنيەگە تالاستى باستاپ، مۇلىكتى بولىسكە سالۋدى قولعا الىپ، اجىراسۋعا ارىز بەرەدى. ءۇيدى بيزنەسىمەن قوسا ساتۋعا شەشىم شىعارىپ، 60 ميلليونعا باعالايدى. ايەلى ءۇيدى الاتىن ءبىر ادامداردى تاۋىپ كەلەدى، ول ادامدارمەن ءبىر جىلدىڭ ىشىندە قارجىسىن تولەپ تاستاۋعا كەلىسىپ، ۇيلەرىنە كىرگىزىپ، وزدەرى ءۇيدى تاستاپ شىعادى. الگى ادامدار تازا الاياقتار بولىپ شىعادى. كەلىسىم شارتتى دا دۇرىس جاساماي، ءوز بيزنەستەرىنەن تۇسكەن قاراجاتتى وزدەرىنە قۇيىپ وتىرادى. سودان اقشانى ۋاقىتىندا بەرمەي، سوزبالاقتاپ، اقىر سوڭى داۋ-دامايعا ۇلاسىپ، ول ادامداردى ۇيىنەن قۋىپ شىعادى.
الگى الاياقتار ءوز بيزنەسىنىڭ اقشاسىن وزدەرىنە قۇيىپ وتىرعان سوڭ ولار دا ادۆوكات جالداپ، وزدەرىنىڭ بيزنەسىن وزدەرىنە قۇيعان اقشاسىن تالاپ ەتىپ، سوتقا بەرىپ تاستاپتى.
بۇل وتباسى دا اجىراسىپ كەتتى. بالا شاعاسى ءبىر جاقتا، ءوزى ءبىر جاقتا قالدى.
مىنە، وسىنداي تابىستى جىگىتتەردىڭ شاڭىراقتارى ورتاسىنا ءتۇسىپ جاتىر.
بۇل ءدال قازىر ومىردە بولىپ جاتقان جاعدايلار.
ادامعا ەشقاشان دا قولىنا ءۇيىپ-توگىپ اقشا بەرمەۋ كەرەك ەكەن. ول قادىرىن بىلمەيدى دايىن اقشانىڭ. دايىن اقشانى بەرە بەرسەڭ، ودان وتكەن شوشقا بولمايتىنى راس ەكەن. بايلارى ميلليونداپ اقشا تاپسا، ءبىر جەرلەرىن نەگە تاستاي قىسىپ وتىرمايدى ەكەن...
ءدال وسىنداي جاعدايلاردان جۇيكەسى كەتكەن ەر ادامدار ايەلدەرىن ۇرىپ-سوعىپ، ءتىپتى ءولتىرىپ تە تاستاپ جاتىر. سوندىقتان دا زاڭدى تەك ايەلدەرگە عانا قاراتىپ قويماي، تەڭدىكتى ويلاعان دۇرىس. مۇنىڭ سەبەبىن تاۋىپ، ارەكەت ەتپەسە، اجىراسۋ ءتىپتى كوبەيەتىن بولادى. تاڭنان كەشكە دەيىن جۇمىس باسىندا ءجۇرىپ، دەنساۋلىعىنان ايىرىلىپ، ۇيىنە كەلىپ قوسىمشا ايەلدەرىنەن وسىنداي زۇلىمدىق كورىپ وتىرعان ەر ادامداردى قورعايتىن زاڭ كەرەك. ەر ادامداردى قورعايتىن ءبىر دە ءبىر زاڭ جوق. ۇرسا ۇردى دەيدى، ەركەك كىنالى بولا سالادى، سوقسا سوقتى دەيدى ەركەك كىنالى بولا سالادى. سوتتالاتىن دا ەركەك سوڭىندا. ەگەر مۇنى تۇزەيتىن زاڭ بولماسا، وندا تالاي ايەلدىڭ ءولىمى ورىن الادى. سەبەبى، ءوزى جۇمىس ىستەپ، تابىس تاۋىپ، وتباسىن اسىراپ وتىرىپ، وسىنداي جاعداي وتباسىندا ورىن السا، جۇيكەسى جۇقارعان ەر ادام ءبىر كۇنى ايەلىنە سوڭعى شەشىمىن جاسايدى. زاڭنىڭ ءبارى ءبىز جاقتا دەپ قاتىنداردىڭ قۇتىرعانى سونشالىقتى، بىلگەنىن ىستەپ كەتتى. وتە ءادىل زاڭ كەرەك مىناۋ جاعدايعا قاتىستى. سوندىقتان دۇرىستاپ، رەاليزممەن ويلانۋ كەرەك.
ەر ادامداردىڭ قۇقىن قورعايتىن زاڭ اكتىلەرىن دايىنداپ، پارلامەنتكە ۇسىنۋ كەرەك. سەبەبى، زاڭنىڭ ءبارى ايەلدىڭ جاعىندا.
ءسىز وسى جاعدايلارعا قاتىستى قانداي پىكىر ايتاسىز؟
مەن بۇل ازاماتتاردى بەلگىلى زاڭگەر ءلاززات احاتوۆامەن كەزدەستىردىم. ول كىسى بۇل ىستەر جايىندا تولىق حابارى بار.
بەكبولات قارجان،
"ادىرنا" ۇلتتىق پورتالى
