تالدىقورعاندا جول اپاتىنان ءبىر وتباسى تۇگەل اجال قۇشتى

2910
Adyrna.kz Telegram

تالدىقورعاندا جان تۇرشىگەرلىك جول اپاتى بولدى. ءبىر وتباسى تۇگەل قايتىس بولدى، دەپ حابارلايدى «ادىرنا» سايتى Astana TV ارناسىنا سىلتەمە جاساپ.

كولىك اۋدارىلىپ، اعاشقا سوعىلىپ، كەيىن ورتەنىپ كەتكەن. كۇيەۋى مەن ايەلى اۋىر جاراقاتتان سول جەردە كوز جۇمدى. قىزدار اۋرۋحاناعا جەتكىزىلدى. بىراق دارىگەرلەر اپالى-سىڭلىلەردى امان الىپ قالا المادى. ۇلكەنى جەتى جاستا، كىشىسى نەبارى ءبىر جاستا ەدى.

ساراپتاما تاعايىنداۋ كەزىندە بولعان جازاتايىم وقيعا بويىنشا قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-بولىگىندە كوزدەلگەن سوتقا دەيىنگى تەرگەۋ امالدارى باستالدى،– دەيدى وبلىستىق پد ءباسپاسوز حاتشىسى ءابىلتاي ابەنوۆ.

ەسكە سالايىق، تاياۋدا اقتوبە وبلىسىندا جۇك كولىگىمەن سوقتىعىسقان جولاۋشىلار كولىگى ارىققا ءتۇسىپ كەتىپ، ورتەنگەن بولاتىن. ءۇش بالا تىرىدەي ورتەنىپ كەتكەن. ولاردىڭ اكەسى كەيىن اۋرۋحانادا قايتىس بولدى.

"ادىرنا" ۇلتتىق پورتالى

پىكىرلەر