قازاقستان نارىعىنا Soueast وتباسىلىق كروسسوۆەرلەر برەندى رەسمي تۇردە ەنۋدە. ىنتىماقتاستىق اياسىندا Allur زاۋىتىنىڭ قوستاناي قالاسىنداعى وندىرىستىك الاڭىندا Soueast اۆتوموبيلدەرىن شىعارۋ باستالدى. بۇل قادام قازاقستانداعى اۆتوموبيل يندۋسترياسىن دامىتۋ جانە جەرگىلىكتەندىرۋ دەڭگەيىن ارتتىرۋ جولىنداعى ماڭىزدى كەزەڭ سانالادى.
كومپانيا وكىلدەرىنىڭ ايتۋىنشا، ستراتەگيالىق كەلىسىمگە قول قويۋ جانە قوستانايداعى Allur الاڭىندا ءوندىرىستى ىسكە قوسۋ جاڭا دامۋ كەزەڭىنىڭ باستالۋىنا جول اشادى.
ء«بىز وتباسى مەن ادامنىڭ قاجەتتىلىكتەرىنە باعىتتالعان زاماناۋي كروسسوۆەرلەر برەندىن نارىققا ۇسىنامىز. Soueast اۆتوموبيلدەرى تەحنولوگيا، قاۋىپسىزدىك جانە جايلىلىقتىڭ ۇيلەسىمى ارقىلى قازاقستاندىق تۇتىنۋشىلار اراسىندا لايىقتى ورىن الادى دەپ سەنەمىز»، – دەپ مالىمدەدى Allur كومپانياسى.
قول جەتكىزىلگەن كەلىسىمدەرگە سايكەس، 2026 جىلدان باستاپ قازاقستانداعى Soueast رەسمي ديستريبيۋتورى ەل اۋماعىندا ديلەرلىك جەلىنى دامىتۋمەن اينالىسادى. 2026 جىلدىڭ ەكىنشى توقسانىندا استانا، الماتى، شىمكەنت، قوستاناي، تاراز، قاراعاندى، كوكشەتاۋ، وسكەمەن جانە اتىراۋ قالالارىندا ديلەرلىك ورتالىقتار اشۋ جوسپارلانىپ وتىر. قازىرگى ۋاقىتتا ديلەرلىك كاسىپورىنداردى برەند ستاندارتتارىنا سايكەستەندىرۋ جۇمىستارى جۇرگىزىلۋدە.
تۇتىنۋشىلارعا بىرنەشە ۇلگىدەن تۇراتىن كروسسوۆەرلەر جەلىسى ۇسىنىلادى. C-SUV سەگمەنتىندە Soueast 06 جانە Soueast 07 مودەلدەرى، ال D-SUV سەگمەنتىندە Soueast 09 ۇسىنىلادى. بۇل اۆتوموبيلدەر زاماناۋي ديزاينمەن، جوعارى تەحنولوگيالارمەن جانە قاۋىپسىزدىك دەڭگەيىمەن ەرەكشەلەنىپ، بۇكىل وتباسىنىڭ جايلىلىعىنا باعىتتالعان.
برەند تۋرالى
Soueast – ادامداردىڭ ءومىر سالتى مەن تاڭداۋىنا بەيىمدەلگەن وتباسىلىق ءارى تەحنولوگيالىق اۆتوموبيل برەندى. كومپانيا 1995 جىلى قۇرىلعان جانە قىتايداعى العاشقى اۆتوموبيل وندىرۋشىلەردىڭ ءبىرى سانالادى. 2004 جىلدان باستاپ حالىقارالىق نارىققا شىعىپ، بۇگىندە 30 جىلدان استام تاجىريبەگە يە. جالپى ساتىلىم كولەمى 1,57 ميلليوننان اسادى.
ۇلگىلەر قاتارى
برەند ءارتۇرلى ءومىر سالتىنا ارنالعان، بىراق ورتاق فيلوسوفيامەن – جايلىلىق، سەنىمدىلىك جانە قولدانۋدىڭ جەڭىلدىگىمەن بىرىكتىرىلگەن كروسسوۆەرلەر ۇسىنادى. مودەلدەر SUV-C جانە D-SUV سەگمەنتتەرىنە جاتادى، ياعني قالا ىشىندە مانەۆرلىك جانە قالا سىرتىندا جايلىلىقتى ۇيلەستىرەدى.
اۆتوموبيلدەر 1.6 جانە 2.0 ليترلىك زاماناۋي تۋربوقوزعالتقىشتارمەن جابدىقتالعان. ولار قۋات، ديناميكا جانە جانارماي تيىمدىلىگىنىڭ وڭتايلى تەڭگەرىمىن قامتاماسىز ەتەدى. توپتاماعا 5 ورىندىق جانە 7 ورىندىق ۇلگىلەر كىرەدى، بۇل تۇتىنۋشىلارعا ءوز قاجەتتىلىگىنە ساي تاڭداۋ جاساۋعا مۇمكىندىك بەرەدى.
4WD تولىق جەتەكتى جۇيە كەز كەلگەن اۋا رايىندا – جاڭبىر، قار نەمەسە جولسىز جەرلەردە – سەنىمدىلىكتى ارتتىرادى. ال 8 ساتىلى اۆتوماتتى بەرىلىس قورابى قوزعالىستىڭ بىرقالىپتىلىعىن جانە باسقارۋدىڭ ىڭعايلىلىعىن قامتاماسىز ەتەدى.
