Bizge er azamattardyń da quqyn qorǵaıtyn zań kerek

Jaǵdaıdyń mán jaıyn Lázzzat Ahatova ekeýimiz zerttep qaradyq. Otbasynyń qıraýyna áıeldiń tikeleı kesiri tıip tur.

Birinshi azamat shetelden taýar alyp kelip, Qazaqstanda óziniń kásibin júrgizedi. Biraz buryn Astana qalasynda «Zelenyı kvartal» turǵyn úı kesheninen 42 mıllıonǵa úsh bólemli úı satyp aldy. Astynda birneshe kóligi bar. Shetelden taýarlar alyp keletin óziniń jeke eki fýralary bar. Óziniń jeke taýar aınalymynda pálenbaı mıllıon qarajat aınalymda jumys istep jatyr. Sonymen bıznes barysymen syrtty júretin bul azamat áıeline eki market ashyp ashyp beredi. Astyna qymbat kólip alyp beredi. Eki markettegi taýar aınalymy 40 mıllıonnan asyp turady. Sonymen bıznesine áıelin serik qylyp qoıady. Arada kóp ýaqyt ta ótpeı, (1 jylǵa da jetpeıdi) áıel 180 gradýsqa ózgerip salady. Únemi jumys pen kásiptiń aınalasynda júrgen azamattyń da azdap densaýlyǵy syr bere bastaıdy. Otbasynda dúnıege talas-tartys bastalady. Áıel ártúrli qadamdarǵa baryp, sońynda er azamatyn úıinen shyǵaryp, oǵan jınaǵan dúnıesiniń bir ýysyn ǵana qaldyryp, qalanyń bir shetinen bir bólmegi úıge qýyp shyǵarmaq bolady. Er azamat balalarym úshin men mynaý dúnıeniń bir de bireýin almaımyn. Tek senderge qaldyramyn dep úıinen shyǵady da, jumysyna ketip qalyp júre beredi. Sol aralyqta áıeli balalaryna óziniń ákesi týraly teris úgit nasıhatty bastaıdy. Onymen toqtamaı, óziniń týystary men ata-anasyn osy kıkiljińge aralastyrady. Otbasymen kelip er azamattyń mazasyn alyp, jan-jaqtan jabylýdy shyǵarady. Osy eki ortada er azamat júıkesi kótermeı, densaýlyǵy da syr bere bastaıdy.

Sodan álgi azamatpen kezdestim. Mán jaıdyń barlyǵyn basynan aıaq túsindirdi. Sóziniń sońynda, men eshteńe de almaımyn, ózim jeke basymmen ketemin dedi.

Onyń bulaı ketýin men quptaǵan joqpyn. Densaýlyǵy nasharlap, erteń basy dalada qalatynyn túsindim de, jedel qol ushyn berýge tyrystym.

Sodan bul er azamattyń áıeli sotqa ajyrasýǵa aryz berip qoıypty. Ózine advokat jaldap, tóbesinen mysqyldap, dúnıeniń bári meniń qolymda, seni attandyryp salamyn dep jınalyp qoıǵan. Áıeli kúıeýine zańnyń bári áıeldiń sózin sóıleıtinin bilesiń dep sóıleıdi eken. Er azamat áıeline qol jumsamaǵan. Jaqynda ǵana úlken qyzyn uzatyp, er azamattyń týysqandarynan bireýin de shaqyrmaǵan. Toıdyń ústinde qyzy jylap, ákesiniń sózin sóılep, aqyr sońy tóbeleske ulasyp ketken. Otbasy osylaı qıraǵan.

Bul azamattyń qazir densaýlyǵy nasharlap ketti. Sondyqtan kómek berýdi ózimiz qolǵa aldyq.

Al, endi ekinshi azamattyń jaıyna keleıik. Bul azamat ta kásipker. Astana qalasynda jeke úlken kottedji bar. Kottedjiniń aınalasyna 11 páterdi jalǵa berip qoıǵan. Bul azamattyń da áıeliniń jaǵdaıy aldyńǵy azamattyń áıeliniń jaǵdaıyna uqsaıdy. Óltirip bara jatqan qý dúnıe. Bul azamat kottedjin de, onyń aınalasyndaǵy barlyq kvartıranttar ustaıtyn oryndardyń bárin óziniń qara terimen salǵan. Úıinde óziniń ehtary jumys istep tur. Onyń da tabysy myqty. Páterlerden de aıyna mıllondaǵan qarjy túsip tur. Sodan áıel dúnıege talasty bastap, múlikti bóliske salýdy qolǵa alyp, ajyrasýǵa aryz beredi. Úıdi bıznesimen qosa satýǵa sheshim shyǵaryp, 60 mıllıonǵa baǵalaıdy. Áıeli úıdi alatyn bir adamdardy taýyp keledi, ol adamdarmen bir jyldyń ishinde qarjysyn tólep tastaýǵa kelisip, úılerine kirgizip, ózderi úıdi tastap shyǵady. Álgi adamdar taza alaıaqtar bolyp shyǵady. Kelisim shartty da durys jasamaı, óz bıznesterinen túsken qarajatty ózderine quıyp otyrady. Sodan aqshany ýaqytynda bermeı, sozbalaqtap, aqyr sońy daý-damaıǵa ulasyp, ol adamdardy úıinen qýyp shyǵady.

Álgi alaıaqtar óz bıznesiniń aqshasyn ózderine quıyp otyrǵan soń olar da advokat jaldap, ózderiniń bıznesin ózderine quıǵan aqshasyn talap etip, sotqa berip tastapty.

Bul otbasy da ajyrasyp ketti. Bala shaǵasy bir jaqta, ózi bir jaqta qaldy.

Mine, osyndaı tabysty jigitterdiń shańyraqtary ortasyna túsip jatyr.

Bul dál qazir ómirde bolyp jatqan jaǵdaılar.

Adamǵa eshqashan da qolyna úıip-tógip aqsha bermeý kerek eken. Ol qadirin bilmeıdi daıyn aqshanyń. Daıyn aqshany bere berseń, odan ótken shoshqa bolmaıtyny ras eken. Baılary mıllıondap aqsha tapsa, bir jerlerin nege tastaı qysyp otyrmaıdy eken...

Dál osyndaı jaǵdaılardan júıkesi ketken er adamdar áıelderin uryp-soǵyp, tipti óltirip te tastap jatyr. Sondyqtan da zańdy tek áıelderge ǵana qaratyp qoımaı, teńdikti oılaǵan durys. Munyń sebebin taýyp, áreket etpese, ajyrasý tipti kóbeıetin bolady. Tańnan keshke deıin jumys basynda júrip, densaýlyǵynan aıyrylyp, úıine kelip qosymsha áıelderinen osyndaı zulymdyq kórip otyrǵan er adamdardy qorǵaıtyn zań kerek. Er adamdardy qorǵaıtyn bir de bir zań joq. Ursa urdy deıdi, erkek kináli bola salady, soqsa soqty deıdi erkek kináli bola salady. Sottalatyn da erkek sońynda. Eger muny túzeıtin zań bolmasa, onda talaı áıeldiń ólimi oryn alady. Sebebi, ózi jumys istep, tabys taýyp, otbasyn asyrap otyryp, osyndaı jaǵdaı otbasynda oryn alsa, júıkesi juqarǵan er adam bir kúni áıeline sońǵy sheshimin jasaıdy. Zańnyń bári biz jaqta dep qatyndardyń qutyrǵany sonshalyqty, bilgenin istep ketti. Óte ádil zań kerek mynaý jaǵdaıǵa qatysty. Sondyqtan durystap, realızmmen oılaný kerek.