قازاقستاندا ءبىر تاۋلىك ىشىندە كوروناۆيرۋس پەن پنەۆمونيادان 120 ادام قايتىس بولدى، دەپ حابارلادى دەنساۋلىق ساقتاۋ مينيسترلىگى.
ۆەدومستۆو مالىمەتىنشە، 97 ناۋقاس كوروناۆيرۋس ينفەكتسياسىنان، 23 ادام پنەۆمونيادان قايتىس بولعان. قايتىس بولعاندار الماتى (23), شىمكەنت (13), اقمولا وبلىسى (11) جانە نۇر-سۇلتان (11) مەن قاراعاندىدا (10) كوپ تىركەلدى.
سونداي-اق الماتى ينفەكتسيا انىقتالعاندار سانى بويىنشا دا العاشقى قاتاردا تۇر. وتكەن تاۋلىكتە قازاقستان بويىنشا 5 631 جاعداي تىركەلسە، سونىڭ 1 505-ءى الماتىدا انىقتالعان.
24 تامىزداعى مالىمەت بويىنشا، 123 226 ادام كوروناۆيرۋس ينفەكتسياسىنان ەمدەلۋدە، ولاردىڭ ىشىندە 28 577 پاتسيەنت ستاتسيوناردا، 94 649 ناۋقاس امبۋلاتوريالىق دەڭگەيدە ەم قابىلداپ جاتىر.
ناۋقاستار اراسىندا 1 824 ادامنىڭ جاعدايى اۋىر، 555 پاتسيەنتتىڭ جاعدايى وتە اۋىر دەپ باعالانىپ وتىر. 267 ناۋقاس جاساندى تىنىس الۋ اپپاراتىنا قوسىلعان.
