Qazaqstanda bır täulık ışınde koronavirus pen pnevmoniiadan 120 adam qaitys boldy, dep habarlady densaulyq saqtau ministrlıgı.
Vedomstvo mälımetınşe, 97 nauqas koronavirus infeksiiasynan, 23 adam pnevmoniiadan qaitys bolǧan. Qaitys bolǧandar Almaty (23), Şymkent (13), Aqmola oblysy (11) jäne Nūr-Sūltan (11) men Qaraǧandyda (10) köp tırkeldı.
Sondai-aq Almaty infeksiia anyqtalǧandar sany boiynşa da alǧaşqy qatarda tūr. Ötken täulıkte Qazaqstan boiynşa 5 631 jaǧdai tırkelse, sonyŋ 1 505-ı Almatyda anyqtalǧan.
24 tamyzdaǧy mälımet boiynşa, 123 226 adam koronavirus infeksiiasynan emdelude, olardyŋ ışınde 28 577 pasient stasionarda, 94 649 nauqas ambulatoriialyq deŋgeide em qabyldap jatyr.
Nauqastar arasynda 1 824 adamnyŋ jaǧdaiy auyr, 555 pasienttıŋ jaǧdaiy öte auyr dep baǧalanyp otyr. 267 nauqas jasandy tynys alu apparatyna qosylǧan.
Ūqsas jaŋalyqtar
