قازاقستان سىبايلاس جەمقورلىققا قارسى كۇرەس ساياساتىن تاۋەلسىزدىك العان ساتتەن باستادى جانە قازىرگى ۋاقىتتا بۇكىل الەمدىك قوعامداستىقتىڭ بەلسەندى مۇشەلەرىنىڭ ءبىرى بولىپ تابىلادى. قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆ 2014 جىلى 2015-2025 جىلدارعا بەكىتكەن سىبايلاس جەمقورلىققا قارسى ستراتەگيا بۇگىنگى كۇنى ماڭىزدى قۇجات بولىپ تابىلادى. اتالعان قۇجاتتىڭ نەگىزگى ماقساتى مەملەكەتتىڭ سىبايلاس جەمقورلىققا قارسى ساياساتىنىڭ تەڭ قۇقىلىعىن ارتتىرۋ، سىبايلاس جەمقورلىقتىڭ كەز كەلگەن جاعدايلارىنا توزبەۋشىلىك اتموسفەراسىن قۇرۋ، سول ارقىلى قوعامدى سىبايلاس جەمقورلىققا قارسى قوزعالىسقا تارتۋ بولىپ تابىلادى.
سىبايلاس جەمقورلىققا قارسى كۇرەس مەملەكەتتىك ساياساتتىڭ ماڭىزدى جانە باسىم باعىتتارىنىڭ ءبىرى بولىپ تابىلاتىنى بارشاعا ءمالىم. "سىبايلاس جەمقورلىققا قارسى ءىس-قيمىل تۋرالى" قر زاڭىنا سايكەس سىبايلاس جەمقورلىققا قارسى كۇرەستى جۇزەگە اسىراتىن ورگاندار مەن لاۋازىمدى ادامدار ءوز قۇزىرەتى شەگىندە سىبايلاس جەمقورلىققا قارسى كۇرەس جۇرگىزۋگە مىندەتتى دەلىنگەن. كەز كەلگەن مەملەكەت قۇقىقتىق جۇيەنىڭ نەگىزگى پرينتسيپتەرىنە سايكەس ادالدىق پەن ساتىلماۋشىلىقتى، جاۋاپكەرشىلىك پەن اشىقتىقتى كورسەتەتىن سىبايلاس جەمقورلىققا قارسى كۇرەستىڭ ءتيىمدى جانە ۇيلەسىمدى ساياساتىن ازىرلەۋگە ۇمتىلادى.قازاقستان الەمنىڭ كوپتەگەن باسقا ەلدەرى سياقتى سىبايلاس جەمقورلىقتىڭ الدىن الۋ جانە ونى جويۋ بويىنشا ماقساتتى جۇمىس جۇرگىزۋدە. ءبىزدىڭ مەملەكەتىمىز - سىبايلاس جەمقورلىققا قارسى زاڭنامانى قابىلداعان جانە حالىقارالىق كونۆەنتسيالارعا قوسىلعان تمد-نىڭ العاشقى مەملەكەتتەرىنىڭ ءبىرى.ەلدەگى سىبايلاس جەمقورلىق دەڭگەيى ەكونوميكالىق دامۋعا كەدەرگى كەلتىرەدى، ينۆەستيتسيالىق احۋالعا تەرىس اسەر ەتەدى، ەلدىڭ بەدەلىن تۇسىرەدى جانە قازاقستانمەن ىنتىماقتاستىققا حالىقارالىق قىزىعۋشىلىقتى تومەندەتەدى. سىبايلاس جەمقورلىق الەۋمەتتىك-ەكونوميكالىق دامۋ، نارىقتىق ەكونوميكا قۇرۋ، ينۆەستيتسيالار تارتۋ پروتسەستەرىن باياۋلاتادى جانە دەموكراتيالىق مەملەكەتتىڭ ساياسي جانە الەۋمەتتىك ينستيتۋتتارىنا تەرىس اسەر ەتەدى، بۇل ەلدىڭ بولاشاعىنا ەلەۋلى قاتەر توندىرەدى.بۇگىنگى تاڭدا سىبايلاس جەمقورلىق تەك ساياساتتا عانا ەمەس، ەكونوميكا مەن باسقارۋ ەليتاسىندا دا كەڭ تارالعان. بۇل جاعدايلار مىناداي مىندەتتەردى تۋعىزادى: بىرىنشىدەن، سىبايلاس جەمقورلىقتىڭ تۋىنداۋىنا اسەر ەتەتىن جاعدايلارمەن كۇرەس جولىمەن سىبايلاس جەمقورلىقتىڭ دامۋىن تومەندەتۋ جانە كەدەرگى كەلتىرۋ; ەكىنشىدەن، وسى پروبلەمالاردى شەشۋدە قۇقىق قورعاۋ ورگاندارىمەن ءوزارا ءىس-قيمىل جاساۋ. مەملەكەتتىك قىزمەتشىلەردىڭ سىبايلاس جەمقورلىققا جانە قۇقىق بۇزۋشىلىققا بەيىمدىلىگىنىڭ سەبەپتەرى ءارتۇرلى. بۇعان، ەڭ الدىمەن، قىزمەتشىلەردىڭ ءبىلىم دەڭگەيىنىڭ تومەندىگى جانە ەتيكالىق ۇستانىمنىڭ بولماۋى جاتادى. پاراقورلىقتىڭ كەڭەيۋىنە كەيبىر مەملەكەتتىك قىزمەتشىلەردىڭ قۇقىق بۇزۋشىلىققا نەمقۇرايلىلىعى، كاسىبي ەتيكا مەن ادامي قاسيەتتەردىڭ ءالسىز بولۋى دا ىقپال ەتەدى. ەڭ وكىنىشتىسى جانە قاۋىپتىسى سىبايلاس جەمقورلىقتىڭ تەرەڭدەۋ مۇمكىندىگى، ويتكەنى مەملەكەتتىك ورگانداردىڭ كەيبىر باسشىلارى جەمقورلىقتى تامىرىمەن جويۋعا بارىنشا ىنتا تانىتپايدى جانە سىبايلاس جەمقورلىققا قارسى زاڭنامانىڭ تالاپتارىن ورىنداۋ بويىنشا جۇمىس جۇرگىزبەيدى. سىبايلاس جەمقورلىققا قارسى پارمەندى كۇرەس جۇرگىزۋ ءۇشىن قۇقىقتىق ءتۇسىندىرۋ جۇمىسىنىڭ دەڭگەيى مەن ساپاسىن ارتتىرۋ، حالىقتىڭ قۇقىقتىق ساۋاتسىزدىعىن جويۋ قاجەت. حالىق ءوز قۇقىقتارىن، ولارعا قارسى قانداي دا ءبىر زاڭسىز ءىس-ارەكەتتەر جاساعان جاعدايدا قانداي ءىس-ارەكەتتەر جاساۋ كەرەكتىگىن تولىق ءبىلۋى ءتيىس. بۇگىنگى كۇننىڭ باستى ماقساتى كونستيتۋتسيالىق ءتارتىپتى قورعاۋ، سىبايلاس جەمقورلىققا قارسى كۇرەس سالاسىندا ءتيىمدى، بىرىڭعاي جالپى مەملەكەتتىك ساياساتتى جۇرگىزۋ، مەملەكەت پەن ازاماتتاردىڭ تىنىس-تىرشىلىگىنىڭ بارلىق سالالارىندا سىبايلاس جەمقورلىق دەڭگەيىن جانە ونىڭ كورىنىستەرىن ازايتۋ، قوعامنىڭ مەملەكەتكە جانە ونىڭ ينستيتۋتتارىنا سەنىمىن نىعايتۋ بولىپ تابىلادى.
