رەسەيدىڭ چەبوكسارى قالاسىندا ايماعىندا اجەسى ءوزىنىڭ 9 جاستاعى نەمەرەسىن ولتىرگەن، دەپ حابارلايدى “ادىرنا” پورتالى SHOT تەلەگرام ارناسىنا سىلتەپ.
قايعىلى وقيعا چەبوكسارى قالاسىندا ورىن العان. ءوز اجەسىنىڭ قولىنان مارقۇم بولعان 9 جاسار وقۋشى اناسى مەن اجەسىنىڭ قولىندا تاربيەلەنگەن. بالانىڭ اكەسى قىرىمدا تۇراتىنى ايتىلدى.
SHOT telegram-ارناسىنىڭ حابارلاۋىنشا، كەشە، ياعني 12 ءساۋىر تۇسكى ۋاقىتتا 2-سىنىپ وقۋشىسى ماسكەۋ اۋدانىنداعى پاتەردە بولعان.
“بالانىڭ اناسى جۇمىستان كەلسە، بالاسىنىڭ الدەقاشان جان تاپسىرعانىن بايقاعان. ونى نەمەرەسىنىڭ قىلىعىنا اشۋلانعان 61 جاستاعى اجەسى تۇنشىقتىرىپ ولتىرگەنى بەلگىلى بولدى” دەپ جازدى تەلەگرام ارنا.
بۇرىن-سوڭدى ءىستى بولماعان زەينەتكەردىڭ ۇستالعانى ايتىلدى. ونىڭ ۇستىنەن «كامەلەتكە تولماعان بالانى ءولتىرۋ» بابى بويىنشا قىلمىستىق ءىس قوزعالدى.
