گايتي پرەزيدەنتى دجوۆەنەل مويس تۇندە ءوزىنىڭ رەزيدەنتسياسىندا ءولتىرىلدى، دەپ حابارلايدى "ادىرنا" پورتالى.
مويس 53 جاستا بولعان.
كوممەرسانتتىڭ حابارلاۋىنشا، شابۋىل 7 شىلدەگە قاراعان ءتۇنى بولعان. ءبىر توپ ادام گايتي پرەزيدەنتىنىڭ رەزيدەنتسياسى اۋماعىنا جول تارتتى. شابۋىل جاساعانداردىڭ كەيبىرى يسپان تىلىندە سويلەدى. پرەزيدەنتتىڭ ايەلى دە وقتان جاراقات الدى. ول اۋرۋحاناعا جاتقىزىلدى.
پرەمەر-مينيستر كلود دجوزەف بۇل ەلدىڭ باسشىلىعىن ءوز قولىنا العانىن مالىمدەدى.
"ول پرەزيدەنتتىڭ قاستاندىعىن ايىپتاپ، بولعان وقيعانى «جەككورۋشىلىك، ادامگەرشىلىككە جات قىلىق جانە ۆارۆارلىق» دەپ اتادى. دجوزەف مىرزا گايتي ۇلتتىق پوليتسياسى جاعدايدى باقىلاۋدا ۇستاپ وتىرعانىن باسا ايتتى. شابۋىل جاساۋشىلاردىڭ جەكە باسى مەن سەبەپتەرى ءالى انىقتالعان جوق", دەيدى باسىلىم.
دجوۆەنەل مويز 2017 جىلدىڭ اقپانىندا پرەزيدەنت بولىپ تاعايىندالدى. ول سايلاۋدا 55,7% داۋىسقا يە بولدى - بۇل ونىڭ قارسىلاسى دجۋد سەلەستەننەن ءۇش ەسە دەرلىك كوپ (19,5%). مويس مىرزا بىرنەشە كومپانيانىڭ نەگىزىن قالادى، اتاپ ايتقاندا Compagnie Hatienne d'Energie S.A. ەنەرگەتيكالىق كومپانياسى. (ەلدە كۇن جانە جەل ەنەرگياسىن جەتكىزەدى) جانە اۋىلشارۋاشىلىق سالاسىندا جۇمىس ىستەيتىن اگريترانس كومپانياسى.
"ادىرنا" ۇلتتىق پورتالى
