اۋعانستان ايماقتىق قارۋ ساتاتىن بازارعا اينالۋى مۇمكىن. اۋعانستانداعى اقش اسكەرى شىعارىلعاننان كەيىن، ەلدەگى جاپپاي ءدۇمپۋدى پايدالانعان تاليبان راديكالدى قوزعالىسى ەلدىڭ بيلىگىن باسىپ الىپ، اقش-تىڭ اۋعان ارمياسىنا تابىستاعان قارۋدارىنىڭ ءبىراز بولىگىن تارتىپ الدى. بۇل جايىندا امەريكالىق Politico باسپاسى زەرتتەۋلەر جۇرگىزىپتى.
Politico باسپاسىنىڭ ايتۋىنشا، اقش اسكەرى كەتكەننەن كەيىن كوپ ۇزاماي تالىپتەر اۋعاندىقتار ورنالاسقان بازالارداعى قارۋلارعا باس سالعان. العاشقى كەزدىڭ وزىندە-اق تاليباندىقتار اقش-تىڭ قۇنى ميلليارد دوللاردى قۇرايتىن سوعىس تەحنيكالارى مەن قارۋلارىنا يەمدەنگەن. بۇل قارۋلاردى اقش قورعانىس كۇشتەرى بىرنەشە جىلدار بويى اۋعاندىقتارعا كومەك رەتىندە جەتكىزىپ وتىردى. ولاردىڭ ىشىندە دروندار، ا-29 تەزنيكالارى، پيكاپتار، ۇشاقتار بولعان.
اقش-تىڭ قورعانىس مينيسترلىگىنىڭ ايتۋىنشا، تالىپتەر سوندا قالعان تاعى دا ءبىراز قارۋلارعا اۋىز سالۋى مۇمكىن. قازىر اقش تاراپى اۋعانستاندا ناقتى قانشا قارۋلارى جاتقانى جايىندا مالىمەتتەر بەرمەي وتىر. ال، ءبىز ايتىپ جۇرگەن 88 ميلليارد دوللار 20 جىل بويى شىعىندىلماعان. اقش سوڭعى ەكى جىلدىڭ وزىندە اۋعانستاننىڭ اعارتۋ مەن قورعانىس قاۋىپسىزدىگى سالاسىنا 83 ميلليارد دوللاردى شىعىنداعان. مۇنى Politico باسپاسى جارىققا شىعارىپ وتىر.
2003-2007 جىلدار ارالىعىندا اقش-تىڭ قورعانىس كۇشتەرى اۋعانستاننىڭ قاۋىپسىزدىگى ءۇشىن م-16 ماركالى 600 ۆينتوۆوكا، 76 مىڭ اۆتوموبيل، 16 مىڭ تۇندە كورسەتەتىن قۇرىلعىلار تاپسىرىپتى. 2017-2019 جىلدارى 4,7 مىڭ جول تەحنيكالارى، 20 مىڭ گراناتالار مەن گراناتامەتتار، سان مىڭداعان بايلانىس قۇرالدارى تاپسىرىپتى.
ال، 2021 جىلى اۋعاندىق ساربازدارعا 1000 دانا 70مم-لىك راكەتالار، 61 مىڭ 40مم-لىك سناريادتار، 900 مىڭ پاترون، 2 ميلليون 7,62مم-لىك پاتروندار تابىستالعان.
وسى قارۋلاردىڭ بارلىعى دا اۋعاندىقتارعا تالىپتەردەن قورعانۋ ماقساتىندا جەتكىزىلگەن. تەك جالعىز عانا تالىپتەر ەمەس، اۋعان جەرىندە ال-كايدا مەن يگيل-ءدىڭ جاساقتارىنا دا قارسى تۇرۋ ماقساتىندا بەرىلگەن.
وسىدان ءبىراز ۋاقىت بۇرىن اقش پرەزيدەنتى دجو بايدەن "اۋعانستان حالقى ەرلىكپەن كۇرەسە المادى، ءبىز ولارعا قولىمىزدان كەلگەن كومەكتىڭ بارلىعىن جاسادىق. اۋعان بيلىگى سارعىرتتىق پەن جەمقورلىققا جول بەردى. سوندىقتان جەڭىلىس تاپتى" دەپ مالىمدەمە جاسادى. قازىر اقش-تىڭ تابىستاعان قارۋلارىنىڭ كوپ بولىگىن تالىپتەر يەلەنىپ الدى.
بەكبولات قارجان،
«ادىرنا» ۇلتتىق پورتالى
