اقش-تىڭ ۋكراينا قارۋلى كۇشتەرىنە الىس قاشىقتىققا ارنالعان «توماگاۆك» (Tomahawk) قاناتتى زىمىراندارىن جەتكىزۋى رەسەي مەن امەريكانىڭ اراسىنداعى وڭ قارىم-قاتىناسقا كەرى اسەرىن تيگىزۋى مۇمكىن. بۇل تۋرالى رەسەي پرەزيدەنتى ۆلاديمير پۋتين «روسسيا 1» تەلەارناسىنا بەرگەن سۇحباتىندا مالىمدەدى، دەپ حابارلايدى “ادىرنا”.
ءپۋتيننىڭ سوزىنشە، اقش-تىڭ جاڭا قارۋ جۇيەلەرىن، سونىڭ ىشىندە جوعارى دالدىكتەگى الىس قاشىقتىققا ارنالعان Tomahawk زىمىراندارىن ۋكرايناعا جەتكىزۋ تۋرالى شەشىمى ەكى ەل اراسىنداعى ديپلوماتيالىق قارىم-قاتىناسقا ۇلكەن قاۋىپ توندىرەدى.
«مەن مۇنىڭ ءبىزدىڭ قارىم-قاتىناسىمىزدى، ەڭ بولماعاندا قالىپتاسا باستاعان وڭ ۇردىستەردى، جويىپ جىبەرەتىنىن ايتتىم»، — دەدى رەسەي پرەزيدەنتى.
سونداي-اق پۋتين قازىرگى گەوساياسي جاعدايدىڭ دامۋى تەك رەسەيگە نەمەسە ونىڭ جەكە شەشىمىنە عانا بايلانىستى ەمەس ەكەنىن اتاپ ءوتتى.
