بۇگىندە تالاي وقىرماننىڭ سۇيىكتى كەڭەسشىسىنە اينالىپ ۇلگەرگەن داۋلەت تولەۋتايۇلى وسىدان بىرنەشە كۇن بۇرىن ءوز پاراقشاسىنا ارابشا كيىنگەن، ياعني پاراندجا كيىپ وتىرعان ايەل مەن بالالاردىڭ سۋرەتىن جۇكتەپ: ء"ار نارسەنىڭ ءوز دەڭگەيى مەن شەگى بار. يەمەن فوتوگرافى بۋشرا المۋتاكاۆەلدىڭ سۋرەتى - "جوعالۋ" دەپ اتالادى. وي سالارلىق سۋرەت. ويلانايىق" دەپ جازبا قالدىرعان بولاتىن.
جەلىدە بلوگەر وسى سۋرەتتى جۇكتەگەننەن كەيىن وقىرماندار سان ءتۇرلى پىكىرلەر جاۋدىرىپتى. وسىعان بايلانىستى داۋلەت كەشە مىناداي پىكىر ءبىلدىردى:
"كەشەگى كيىم ماسەلەسىنە قاتىستى كەيبىر وقىرماندار ويىمدى تۇسىنبەي قالعان سياقتى. سەبەبى پوستتى فوتوگراف سۋرەتىمەن قىسقا قايىرعان ەدىم. مەن ءبىزدىڭ ەلدە ورانىپ، اۋرەت جەرلەرىن جاۋىپ جۇرگەندەرگە ەش قارسىلىعىم جوق. بىراق سول كيىنۋدىڭ دە ءمانى، ءسانى بولادى. قاپ-قارا بولىپ، بۇكىل جەرىن تۇمشالاپ جاۋىپ، ۇلتتىق ءداستۇرىمىزدى، ۇلتتىق كيىمدەرىمىزدى مويىندامايتىندارعا جىنىم كەلەدى. ايتپەسە، جابىق كيىنۋ بۇرىننان قانىمىزدا بار نارسە. قىزداردىڭ ءتۇرلى-ءتۇستى، اشىق تۇستە كيىنىپ جۇرگەندەرى جاقسى ەمەس پە؟! ءداستۇردىڭ دە وزىعى بار، توزىعى بار!".
ودان ءارى داۋلەت ءوز وقىرماندارىن ءتۇزۋ جولدا جولىپ، ادال ءومىر سۇرۋگە ۇندەدى.
"كەيبىر وقىرماندارعا ايتارىم، مىڭ جەردەن ارابتارعا ەلىكتەسەڭىز دە، اراب بولا المايسىز! قازاق ەكەنىڭىزدى، قازاقستاندا تۇرىپ جاتقانىڭىزدى ۇمىتپاڭىز. فەيك پاراقشامەن اۋزىنا كەلگەنىن جازىپ، ادامدى توزاققا ءتۇسىرىپ جاتاتىندار دا بار. پاراقشاسىنا كىرسەڭ، نە سۋرەتى، نە ءتۇرى جوق. تەك ءىشىن اللا دەپ، قۇران سۇرەلەرىنە تولتىرىپ قويعان. يسلامنىڭ دا اعىمدارى جەتەدى. اداسپاي دۇرىس جۇرىڭدەر! اللا جۇرەكتەرىڭىزگە يمان بەرسىن.
ماحاببات، ءدىن، ساياسات... وسى 3 تاقىرىپتا اڭگىمە ەشقاشان بىتكەن ەمەس. بىتپەيدى دە. قازىر دە وسى جەردە 1045 كوممەنت جازىلادى. سوندىقتان كەشەگى پوستتاعى ويىمدى دۇرىس جەتكىزدىم دەپ ويلايمىن. كىمنىڭ نامىسىنا ءتيىپ كەتتىم، كەشىرىم سۇرايمىن. وسىمەن كيىم تاقىرىبى جابىلدى. جۇما قابىل بولسىن. بەرگەن ساداقا، جاساعان دۇعالارىڭىز قابىل بولسىن", — دەدى ول.
"ادىرنا" ۇلتتىق پورتالى.
