Búginde talaı oqyrmannyń súıikti keńesshisine aınalyp úlgergen Dáýlet Tóleýtaıuly osydan birneshe kún buryn óz paraqshasyna arabsha kıingen, ıaǵnı parandja kıip otyrǵan áıel men balalardyń sýretin júktep: "Ár nárseniń óz deńgeıi men shegi bar. Iemen fotografy Býshra Almýtakaveldiń sýreti - "Joǵalý" dep atalady. Oı salarlyq sýret. Oılanaıyq" dep jazba qaldyrǵan bolatyn.
Jelide bloger osy sýretti júktegennen keıin oqyrmandar san túrli pikirler jaýdyrypty. Osyǵan baılanysty Dáýlet keshe mynadaı pikir bildirdi:
"Keshegi kıim máselesine qatysty keıbir oqyrmandar oıymdy túsinbeı qalǵan sııaqty. Sebebi postty fotograf sýretimen qysqa qaıyrǵan edim. Men bizdiń elde oranyp, áýret jerlerin jaýyp júrgenderge esh qarsylyǵym joq. Biraq sol kıinýdiń de máni, sáni bolady. Qap-qara bolyp, búkil jerin tumshalap jaýyp, ulttyq dástúrimizdi, ulttyq kıimderimizdi moıyndamaıtyndarǵa jynym keledi. Áıtpese, jabyq kıiný burynnan qanymyzda bar nárse. Qyzdardyń túrli-tústi, ashyq túste kıinip júrgenderi jaqsy emes pe?! Dástúrdiń de ozyǵy bar, tozyǵy bar!".
Odan ári Dáýlet óz oqyrmandaryn túzý jolda jolyp, adal ómir súrýge úndedi.
"Keıbir oqyrmandarǵa aıtarym, myń jerden arabtarǵa elikteseńiz de, arab bola almaısyz! Qazaq ekenińizdi, Qazaqstanda turyp jatqanyńyzdy umytpańyz. Feık paraqshamen aýzyna kelgenin jazyp, adamdy tozaqqa túsirip jatatyndar da bar. Paraqshasyna kirseń, ne sýreti, ne túri joq. Tek ishin Alla dep, Quran súrelerine toltyryp qoıǵan. Islamnyń da aǵymdary jetedi. Adaspaı durys júrińder! Alla júrekterińizge ıman bersin.
Mahabbat, din, saıasat... Osy 3 taqyrypta áńgime eshqashan bitken emes. Bitpeıdi de. Qazir de osy jerde 1045 komment jazylady. Sondyqtan keshegi posttaǵy oıymdy durys jetkizdim dep oılaımyn. Kimniń namysyna tıip kettim, keshirim suraımyn. Osymen kıim taqyryby jabyldy. Juma qabyl bolsyn. Bergen sadaqa, jasaǵan duǵalaryńyz qabyl bolsyn", — dedi ol.
"Adyrna" ulttyq portaly.
