پاۆلوداردا ءجاسوسپىرىم تەلەفوندا ويناۋعا تىيىم سالعان اكەسىن پىشاقتادى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
پوليتسياعا پاۆلودار قالاسى تۇرعىنىنىڭ پىشاق جاراقاتىن العانى تۋرالى حابارلاما كەلىپ ءتۇستى. پوليتسەيلەر انىقتاعانداي، پاتەردە اكەسى مەن 14 جاستاعى كامەلەتكە تولماعان بالاسى اراسىندا جانجال بولعان.
– اكەسى بالاسىنا تەلەفوندا ويناعانى جانە ءۇيدى جوندەۋگە كومەكتەسۋدەن باس تارتقانى ءۇشىن ەسكەرتۋ جاساعان. تەلەفوندى الىپ، ەر ادام ءۇيدىڭ اۋلاسىنا بەت العان، سول كەزدە ءجاسوسپىرىم اكەسىنە اشۋلانىپ، اس ءۇي پىشاعىن الىپ اكەسىن پىشاقتاعان. ەر ادام پىشاق جاراقاتىمەن پاۆلودار قالاسىنىڭ اۋرۋحاناسىنا جاتقىزىلدى. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 106-بابى 1-ءبولىمى بويىنشا سوتقا دەيىنگى تەرگەۋ جۇرگىزىلۋدە، – دەپ حابارلادى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
ايتا كەتەيىك، اعىمداعى جىلدىڭ باسىنان بەرى پاۆلودار وبلىسىنىڭ اۋماعىندا كامەلەتكە تولماعاندار جاساعان 11 قىلمىس تىركەلگەن.
«ادىرنا» ۇلتتىق پورتالى
