دجو بايدەن: تالىپتەرگە ءوتىپ كەتكەن اقش-تىڭ قارۋلارىن اۋعان ساربازدارىنا قايتارىپ بەرەمىز

3967
Adyrna.kz Telegram

پەنتاگون اۋعانستاندى تاليبان راديكالدى قوزعالىسى باسىپ العاننان كەيىن ءوزىنىڭ سوندا جۇمساعان قاراجاتتارىن ساناي باستادى. بۇل جايىندا اقش پرەزيدەنتىنىڭ ۇلتتىق قاۋىپسىزدىك بويىنشا كەڭەسشىسى دجەيك سالليۆان مالىمدەمە جاسادى.

امەريكالىق باق-تاردىڭ حابارلاۋى بويىنشا اقش ۇكىمەتى اۋعانستان ارمياسىن قارۋ-جاراقپەن قامتاماسىز ەتۋگە، ەلدە اعارتۋ جۇمىستارىن جۇرگىزۋگە 80 ميللياردتان استام اقش دوللارىن شىعىنداعان. بۇل قاراجاتتار ۇشاقتار مەن تىكۇشاقتار، برونوتوحنيكالار، تاعى باسقا دا ءارتۇرلى قارۋلاردى ساتىپ الۋعا جۇمسالعان. قارۋلاردىڭ بارلىعىن اقش قورعانىس كۇشتەرى كابۋلگە تىكەلەي جەتكىزىپ بەرگەن. بىراق اۋعان ۇكىمەتىنىڭ سالعىرتتىعى مەن جەمقورلىعىنان اقش-تىڭ قارجىسى كەرەكسىز سالالارعا شىعىندالعان. اقش وكىمەتى اۋعانستانداعى كەيبىر جارامدى تەحنيكالارىنىڭ ءبارىن شىعارىپ الامىز دەپ شەشىم جاساپتى. بىراق تالىپتەرگە قارسى سوعىسىپ جاتقان اۋعان ساربازدارىنا قاۋرىنىڭ ءبىر بولىگىن تاپسىرىپ كەتەمىز دەپ وتىر.

قازىر اقش-تىڭ كوپتەگەن برونوتەحنيكالارى مەن قورعانىس قارۋلارى تاليبان قوزعالىسىنىڭ وكىلدەرىنىڭ قولىنا ءوتىپ كەتكەندىگى بەلگىلى بولعانىن دجەيك سالليۆان حابارلادى. اقش پرەزيدەنتى دجو بايدەن اۋعانستانداعى اقش قارۋلارىنىڭ ءبىر بولىگىن تاليباندىقتاردان الىپ، اۋعاندىقتارعا تاپسىرۋعا بۇيرىق بەردى. بۇل قاتەرلى قادام بولسا دا، ىسكە اسىرۋ كەرەك دەپ تاپسىرما بەردى.

قازىر اۋعانستاندا تاليبان راديكالدى قوزعالىسىنىڭ جاساقتارى مەن احمەد ماسۋدتىڭ اسكەرلەرىنىڭ اراسىندا شايقاس ءجۇرىپ جاتىر. دجو بايدەن تاليباننىڭ قولىنا ءوتىپ كەتكەن اقش قارۋلارىن اۋعاندىق قولباسشى ماسۋد باستاعان توپقا تابىستاماقشى. ەگەر دە اۋعاندىق ساربازدارعا بۇل قارۋلاردى الىپ بەرمەسەك، ولار تالىپتەردىڭ قولىنا ءتۇسىپ قازا بولادى دەپ وتىر بايدەننىڭ ءوزى.

اقش پرەزيدەنتىنىڭ ءوزى اۋعانستانداعى بارلىق قارۋ جاراقتاردىڭ شىعىنىن ساناپ وتىرعان جوق، تەك UH-60 Black Hawk ۇشاقتارىنىڭ شىعىنىن عانا ەسكەرىپتى.

بەكبولات قارجان،

"ادىرنا" ۇلتتىق پورتالى 

 

 

پىكىرلەر