Djo BAIDEN: Tálipterge ótip ketken AQSh-tyń qarýlaryn aýǵan sarbazdaryna qaıtaryp beremiz

3968
Adyrna.kz Telegram

Pentagon Aýǵanstandy Talıban radıkaldy qozǵalysy basyp alǵannan keıin óziniń sonda jumsaǵan qarajattaryn sanaı bastady. Bul jaıynda AQSh prezıdentiniń ulttyq qaýipsizdik boıynsha keńesshisi Djeık Sallıvan málimdeme jasady.

Amerıkalyq BAQ-tardyń habarlaýy boıynsha AQSh úkimeti Aýǵanstan armııasyn qarý-jaraqpen qamtamasyz etýge, elde aǵartý jumystaryn júrgizýge 80 mıllıardtan astam AQSh dollaryn shyǵyndaǵan. Bul qarajattar ushaqtar men tikushaqtar, bronotohnıkalar, taǵy basqa da ártúrli qarýlardy satyp alýǵa jumsalǵan. Qarýlardyń barlyǵyn AQSh qorǵanys kúshteri Kabýlge tikeleı jetkizip bergen. Biraq Aýǵan úkimetiniń salǵyrttyǵy men jemqorlyǵynan AQSh-tyń qarjysy kereksiz salalarǵa shyǵyndalǵan. AQSh ókimeti Aýǵanstandaǵy keıbir jaramdy tehnıkalarynyń bárin shyǵaryp alamyz dep sheshim jasapty. Biraq tálipterge qarsy soǵysyp jatqan aýǵan sarbazdaryna qaýrynyń bir bóligin tapsyryp ketemiz dep otyr.

Qazir AQSh-tyń kóptegen bronotehnıkalary men qorǵanys qarýlary Talıban qozǵalysynyń ókilderiniń qolyna ótip ketkendigi belgili bolǵanyn Djeık Sallıvan habarlady. AQSh prezıdenti Djo Baıden Aýǵanstandaǵy AQSh qarýlarynyń bir bóligin Talıbandyqtardan alyp, aýǵandyqtarǵa tapsyrýǵa buıryq berdi. Bul qaterli qadam bolsa da, iske asyrý kerek dep tapsyrma berdi.

Qazir Aýǵanstanda Talıban radıkaldy qozǵalysynyń jasaqtary men Ahmed Masýdtyń áskerleriniń arasynda shaıqas júrip jatyr. Djo Baıden Talıbannyń qolyna ótip ketken AQSh qarýlaryn aýǵandyq qolbasshy Masýd bastaǵan topqa tabystamaqshy. Eger de aýǵandyq sarbazdarǵa bul qarýlardy alyp bermesek, olar tálipterdiń qolyna túsip qaza bolady dep otyr Baıdenniń ózi.

AQSh prezıdentiniń ózi Aýǵanstandaǵy barlyq qarý jaraqtardyń shyǵynyn sanap otyrǵan joq, tek UH-60 Black Hawk ushaqtarynyń shyǵynyn ǵana eskeripti.

Bekbolat QARJAN,

"Adyrna" ulttyq portaly 

 

 

Pikirler