قازاقستان مەن رەسەيدىڭ ادام قۇقىقتارى جونىندەگى ۋاكىلدەرى كەزدەستى

2105
Adyrna.kz Telegram

20 تامىز 2021 جىل. بۇگىن، قازاقستان رەسپۋبليكاسىنداعى ادام قۇقىقتارى جونىندەگى ۋاكىل ەلۆيرا ءازىموۆا مەن رەسەي فەدەراتسياسىنداعى ادام قۇقىقتارى جونىندەگى ۋاكىل تاتيانا موسكالكوۆانىڭ ونلاين-كەزدەسۋى ءوتتى. كەزدەسۋ بارىسىندا ادام قۇقىقتارىن ىلگەرىلەتۋ جانە قورعاۋ سالاسىنداعى ودان ءارى ىنتىماقتاستىق ماسەلەلەرى تالقىلاندى.

رەسەيلىك ومبۋدسمەن تاتيانا موسكالكوۆا قازاقستاننىڭ قوعامدىق باقىلاۋ بويىنشا وڭ تاجىريبەسىن ەسكەرە وتىرىپ، قازاقستاندىق ومبۋدسمەن ەلۆيرا ءازىموۆانى رف-داعى ادام قۇقىقتارى جونىندەگى ۋاكىلدىڭ جانە رف-داعى سايلاۋ بارىسىندا ازاماتتاردىڭ سايلاۋ قۇقىقتارىن قورعاۋ جونىندەگى وڭىرلىك ومبۋدسمەندەردىڭ جۇمىسىمەن تانىسۋعا شاقىردى.

كەزدەسۋ بارىسىندا ە.ءازىموۆا ادام قۇقىقتارىن قورعاۋ جانە كەمسىتپەۋ ماقساتىندا ۇلتارالىق جانە كونفەسسياارالىق كەلىسىم سالاسىنداعى ءوزارا ءىس-قيمىلدى كۇشەيتۋدى ۇسىندى. ەكى ەل اراسىنداعى تۇراقتى دوستىق قارىم-قاتىناستاردى ساقتاۋدىڭ ماڭىزدىلىعىن اتاپ ءوتتى. ە.ءازىموۆا قازاقستان مەن رەسەي ادام قۇقىقتارىنىڭ جالپىعا بىردەي دەكلاراتسياسىنىڭ، ازاماتتىق جانە ساياسي قۇقىقتار تۋرالى حالىقارالىق پاكتىنىڭ، تىلدىك بەلگىسى بويىنشا قۋدالاۋعا جول بەرمەيتىن ناسىلدىك كەمسىتۋشىلىكتىڭ بارلىق نىساندارىن جويۋ تۋرالى حالىقارالىق كونۆەنتسيانىڭ قاتىسۋشىلارى بولىپ تابىلاتىنىن ەسكە سالدى. قازاقستان رەسپۋبليكاسى كونستيتۋتسياسىنىڭ 14-بابىندا: "تەگىنە، الەۋمەتتىك، لاۋازىمدىق جانە مۇلىكتىك جاعدايىنا، جىنىسىنا، ناسىلىنە، ۇلتىنا، تىلىنە بايلانىستى ەشكىمدى كەمسىتۋگە بولمايدى...". ۇقساس نورما رەسەي فەدەراتسياسىنىڭ كونستيتۋتسياسىندا قاراستىرىلعان.

وسىعان بايلانىستى قازاقستانداعى ادام قۇقىقتارى جونىندەگى ۋاكىل قر جانە رف قۇقىق قورعاۋ ورگاندارىنا بۇنداي فاكتىلەردى مۇقيات تەكسەرۋ جانە جولىن كەسۋ، جەكە ءوزى جاسايتىن نەمەسە كوتەرمەلەيتىن، ونىڭ ىشىندە ينتەرنەت جەلىلەردى پايدالانا وتىرىپ، وسىنداي كەمسىتۋشىلىكتى جاسايتىن قۇقىق بۇزۋشىلاردى جاۋاپكەرشىلىككە تارتۋ تۋرالى جۇگىنۋدى ۇسىندى. ە.ءازىموۆا حالىقارالىق قوعامداستىقتىڭ مۇنداي فاكتىلەرى ادام قۇقىقتارىنىڭ ورەسكەل بۇزىلۋى دەپ تانىلىپ، ۇلتارالىق الاۋىزدىقتىڭ ورشۋىنە ىقپال ەتەتىنىن، ناتيجەسىندە قوعامداعى تۇراقسىزدىق پەن قاقتىعىستارعا، قايعىلى وقيعاعا اكەپ سوقتىراتىن اگرەسسيانى جانە وشپەندىلىكتى تۋدىراتىنىن اتاپ ءوتتى. "مەملەكەتتىك جانە باسقا دا تىلدەردى قۇرمەتتەۋ ساياساتىن ىلگەرىلەتۋ ادامدى جانە ونىڭ قۇقىقتارىن قۇرمەتتەۋ قاعيداتتارىندا تەك قانا بەيبىت جانە زاڭدى تاسىلدەرمەن جۇزەگە اسىرىلۋعا ءتيىس.

بۇل قاراپايىم ازاماتتارعا عانا ەمەس، ازاماتتىق جانە ساياسي قايراتكەرلەرگە دە قاتىستى. ءبىز باسقا ازاماتتارعا، ونىڭ ىشىندە تىلدىك بەلگىلەرى بويىنشا اگرەسسيانى، وشپەندىلىكتى جانە توزبەۋشىلىكتى تۋدىراتىن جاريا مالىمدەمەلەردى كوتەرمەلەمەۋىمىز كەرەك", - دەپ اتاپ ءوتتى ءازىموۆا كەزدەسۋ بارىسىندا.

 

"ادىرنا" ۇلتتىق پورتالى

پىكىرلەر