امەريكالىق اسكەريلەردىڭ اۋعان تۇرعىندارىن ەۆاكۋاتسيالاۋ شارالارى 14-ءشى تامىز كۇنى باستالدى. اسكەريلەر اۋعانستاننىڭ پرەزيدەنتى اشراف عاني ەلدەن كەتكەننەن كەيىن اۋعاندىق تۇرعىنداردى تاليبان راديكالدى قوزعالىسىنىڭ جاساقتارىنان قورعاۋ ءۇشىن الدىمەن 3000 اسكەر اتتاندىردى. اۋعانستانداعى اۋەجاي اسكەرلەرمەن قورشاۋعا الىندى.
يا REGNUM-ءنىڭ حابارلاۋىنشا، اقش پرەزيدەنتى دوج بايدەننىڭ مالىمدەمەسىنەن كەيىن تاليبان راديكالدى قوزعالىسىنىڭ وكىلدەرى اۋعان تۇرعىندارىن ەۆاكۋاتسيالاۋ بويىنشا اقش-تىڭ پرەزيدەنت اكىمشىلىگىمەن كەلىسىمگە كەلگەن.
ارادا كوپ ۋاقىت وتكىزبەي، اقش-تىڭ س-17 ۇشاقتارىمەن تۇرعىنداردى ەۆاكۋاتسيالاۋ شارالارى ىسكە اسىپ، ءبىرىنشى ەتاپتا 1800 تۇرعىندى الىپ شىققان. بۇل وپەراتسياعا وننان استام س-17 ۇشاعى قاتىسقان. 14 تامىزدىڭ وزىندە اقش ۇشاقتارى اۋعاندىق 6000 تۇرعىندى ەۆاكۋاتسيالاعان.
"ادىرنا" ۇلتتىق پورتالى
