بيىل اقتوبە وبلىسىندا "Baqytty Bala-2021" بايقاۋى ءۇشىنشى رەت ۇيىمداستىرىلدى

2021
Adyrna.kz Telegram
بيىل اقتوبە وبلىسىندا ۇيىمداستىرىلعان "Baqytty Bala-2021" بايقاۋىنا جەتى ەلدەن جاس دارىندار كەلگەن. وبلىس اكىمى وڭداسىن ورازالين «Baqytty Bala» ءىىى بالالار ۆوكالدىق بايقاۋىنىڭ ​ قازىلار القاسىمەن جانە قۇرمەتتى قوناقتارىمەن كەزدەستى دەپ حابارلايدى "ادىرنا" ۇلتتىق پورتالىنىڭ ءتىلشىسى.
ولاردىڭ قاتارىندا بولگاريا، وزبەكستان جانە قازاقستان وكىلدەرى - نيكولاي تەكەليەۆ، سيلۆيا اندريانالاريمانگا، مارات ءايتىموۆ، سۆەتلانا مەن قانات ايتباەۆتار، كلارا تولەنباەۆا، رۋحيا بايدۇكەنوۆا جانە ت.ب. بار.
— سىزدەردى اقتوبە جەرىندە كورگەنىمە قۋانىشتىمىن. "Baqytty Bala" بايقاۋى ادەمى داستۇرگە اينالدى. وكىنىشكە قاراي، شەكتەۋلەرگە، قاباتتاسقان پاندەمياعا بايلانىستى بىلتىر بايقاۋ وتكەن جوق. الايدا، بيىل كوپشىلىك پەن مادەنيەت سالاسىنداعى شىعارماشىلىق قايراتكەرلەرىنىڭ سۇراۋىمەن شارانى ۇيىمداستىرامىز دەپ شەشتىك، —  دەدى وبلىس اكىمى.
اڭگىمەلەسۋ كەزىندە قاتىسۋشىلار مەن قازىلار القاسى بايقاۋدىڭ ۇيىمداستىرىلۋى مەن وتكىزىلۋى جوعارى دەڭگەيدە ەكەنىن اتاپ ءوتتى.
— ءبارى وتە تۇسىنىكتى، ادەمى جانە ۇقىپتى ۇيىمداستىرىلعان. وبلىس اكىمدىگىنىڭ بۇل شاراعا بەلسەندى ءارى تىكەلەي قاتىسىپ وتىرعانىنا تاڭعالىپ وتىرمىن، سول ءۇشىن سىزگە بولەك العىس ايتامىن. ويتكەنى بولگاريادا مەملەكەتتىك ورگاندار مادەني شارالاردى ۇيىمداستىرۋعا كوپ قاتىسا بەرمەيدى،- دەدى قازىلار القاسىنىڭ مۇشەسى، ەستەتيكا​ دوكتورى نيكولاي تەكەليەۆ.
قازىلار القاسى قاتىسۋشىلاردىڭ دا دەڭگەيلەرى جوعارى ەكەنىن مويىندادى.
ايتا كەتۋ كەرەك، "Baqytty Bala" ەسترادالىق اندەر بايقاۋى العاش رەت 2018 جىلى ءوتتى. وسى جىلى نەگىزگى بايقاۋدان گرەتسيا، بولگاريا، ءازىربايجان، ۋكراينا، رەسەي، پولشا جانە قازاقستانننىڭ ءتۇرلى وڭىرىنەن كەلگەن 10-16 جاس ارالىعىنداعى دارىندى جاستار ءوتتى. ولاردىڭ ءبارى دە 200 ۇمىتكەر قاتىسقان ديستانتسيالىق ىرىكتەۋدەن وتكەن.
***
سونىمەن جاس ونەرپازداردىڭ جۇلدىزىن جاققان "Baqytty Bala" فەستيۆالىنىڭ بيىلعى جەڭىمپازى تارازدىق
ايلۋن زاۋشەۆا بولدى. ول
1 ملن تەڭگەنىڭ سەرتيفيكاتىن يەلەندى. جۇلدەلى ءى ورىندى ەلىمىزدىڭ استاناسى — نۇر-سۇلتاننان كەلگەن جاس ونەرپاز ادەل كۋناديلوۆا مەن بولگاريالىق ەليزابەت ساحاريەۆا الدى.
"Baqytty Bala — 2021" فەستيۆالىندە ەڭ كوپ كۇتىلگەن ماراپاتتاردىڭ ءبىرى ديماش قۇدايبەرگەننىڭ ارنايى سىيلىعى بولدى. نۇر-سۇلتان قالاسىنىڭ تۇرعىنى ادەل كۋناديلوۆا شەتەلدە وتەتىن ديماش قۇدايبەرگەننىڭ كونتسەرتىنە قاتىسىپ، بىرگە ونەر كورسەتۋ مۇمكىندىگىنە يە بولدى.
سونىمەن قاتار ديپلومانت اتانعان 11 ونەرپازعا 100 مىڭ تەڭگەدەن اقشالاي سىيلىق تابىستالدى.
ايتا كەتۋ كەرەك، اتالعان بايقاۋدا بارلىق سانيتارلىق تالاپتار قاتاڭ ساقتالدى.
"ادىرنا" ۇلتتىق پورتالى.
پىكىرلەر