قىتايدا الەمدەگى العاشقى LTE440 (Lunar Time Ephemeris) باعدارلامالىق جاساقتاماسىن ازىرلەندى. ول ايداعى ۋاقىتتى ءدال ەسەپتەۋگە جانە ونى جەر ۋاقىتىمەن سينحرونداۋعا ارنالعان، دەپ حابارلايدى «ادىرنا» ءتىلشىسى South China Morning Post باسىلىمىنا سىلتەمە جاساپ.
بۇل تەحنولوگيا عالامدىق اي جارىسى قارقىندى دامىپ جاتقان جاعدايدا سپۋتنيكتەگى ناۆيگاتسيانى دالىرەك جۇرگىزۋگە كومەكتەسپەك.
زەرتتەۋشىلەر بۇل مودەلدى دايىن باعدارلامالىق ءونىم رەتىندە جاساپ شىعارعان. ول كۇردەلى ەسەپتەۋلەرگە سۇيەنبەي-اق ءبىر قادامدا اي ۋاقىتى مەن جەر ۋاقىتىن سالىستىرۋعا مۇمكىندىك بەرەدى. گارۆارد ۋنيۆەرسيتەتىنىڭ استرونومى دجوناتان ماكداۋەللدىڭ ايتۋىنشا، اي ۋاقىتى مەن جەر ۋاقىتىن سينحرونداۋ ينجەنەرلىك تۇرعىدان ناقتى قاجەتتىلىككە اينالعان. ءتىپتى ميكروسەكۋندتىق ايىرماشىلىقتار دا ناۆيگاتسيالىق جۇيەلەرگە ايتارلىقتاي اسەر ەتىپ، ەسەپتەۋلەردە قاتەلىك تۋدىرۋى مۇمكىن.
عالىمدار بۇعان دەيىن اي مەن جەر ۋاقىتىنداعى ايىرماشىلىق ماڭىزدى بولماعانىن اتاپ ءوتتى. ايتۋلارىنشا، سپۋتنيك ميسسيالارى از بولعان.
«الداعى ۋاقىتتا ايدا ادام قاتىساتىن ەكسپەديتسيالار مەن عارىش اپپاراتتارىنىڭ سانى ارتا تۇسەدى. سوندىقتان LTE440 باعدارلاماسى اسا قاجەت»،- دەپ ءتۇسىندىردى جوبانى ازىرلەۋشىلەر.
