وزبەكستانداعى «ميللي تيكلانيش» دەموكراتيالىق پارتياسىنىڭ جەتەكشىسى الىشەر قادىروۆ رەسەيلىك تەلەجۇرگىزۋشى ۆلاديمير سولوۆەۆتىڭ رەسەيدىڭ «ىقپال ايماعى» تۋرالى ايتقان پىكىرىن سىنعا الدى، دەپ حابارلايدى "ادىرنا" ۇلتتىق پورتالى UzDaily.uz-عا سىلتەپ.
قادىروۆتىڭ ايتۋىنشا، وڭىردە ىقتيمال اسكەري ارەكەتتەر تۋرالى ارانداتۋشىلىق مالىمدەمەلەرگە سابىرمەن قاراۋ قاجەت. ول وزبەكستاننىڭ سىرتقى ساياساتتاعى باستى ۇستانىمى – حالىقارالىق قۇقىققا نەگىزدەلگەن پراگماتيكالىق ءارى ءوزارا ءتيىمدى ساياسات جۇرگىزۋ، بارلىق دوستاس مەملەكەتتەرمەن ىنتىماقتاستىقتى دامىتۋ ەكەنىن اتاپ ءوتتى.
«رەسەيلىك بۇقارالىق اقپارات قۇرالدارىندا ۇزدىكسىز ايتىلىپ جاتقان مۇنداي مالىمدەمەلەر ستراتەگيالىق سەرىكتەستىك پەن وداقتاستىق قاتىناستاردىڭ رۋحىنا قايشى كەلىپ قانا قويماي، ولاردى السىرەتۋى مۇمكىن»، – دەدى الىشەر قادىروۆ.
ونىڭ سوزىنشە، ورتالىق ازيا – قاۋىپسىزدىك، تۇراقتىلىق جانە تاتۋ كورشىلىك ايماعى. بۇل – قارقىندى دامۋ مەن ءوزارا ىنتىماقتاستىققا ارنالعان كەڭىستىك، ال باۋىرلاس مەملەكەتتەر كەز كەلگەن اگرەسسياعا بىرلەسىپ جاۋاپ بەرۋگە قابىلەتتى.
ايتا كەتەيىك، سولوۆەۆتىڭ مالىمدەمەسىنەن كەيىن قىرعىزستان دەپۋتاتى دا پىكىر بىلدىرگەن.
